Były ministr abarony Vialikabrytanii prapanavaŭ vystavić ultymatum Pucinu
Albo Uzbrojenyja siły RF spyniajuć prymianieńnie płanirujučych avijabombaŭ pa terytoryi Ukrainy, albo Zachad dazvalaje vykarystoŭvać anhlijskuju, francuzskuju, niamieckuju i amierykanskuju rakietnuju zbroju pa ŭsioj terytoryi Rasii, prapanavaŭ eks-ministr abarony Vialikabrytanii Hrant Šaps u svajoj kałoncy dla haziety The Times.
Hrant Šaps adznačyŭ, što na fonie apošnich pavietranych rasijskich udaraŭ pa ŭkrainskich haradach, u pryvatnaści z vykarystańniem kiravanych avijacyjnych bombaŭ, «my pavinny terminova ŭchvalić vykarystańnie našaj dalnabojnaj zbroi na terytoryi Rasii».
«My viedajem, što mnohija ataki robiacca z terytoryi samoj Rasii. I ŭsio ž, kali nie ŭličvać naš dazvoł nanosić udary pa Krymie brytanskimi rakietami, my ŭsio jašče aścierahajemsia dazvalać našym ukrainskim sajuźnikam nanosić udary pa krynicy hetych napadaŭ», — kanstatuje eks-čynoŭnik.
Na dumku byłoha kiraŭnika Minabarony Vialikabrytanii, adsutnaść dazvołu Ukrainie vykarystoŭvać Storm Shadow «tam, dzie jany byli b najbolš efiektyŭnymi», padryvaje davier da Łondana jak sajuźnika Kijeva.
«Pryjšoŭ čas spynić prasić advažnaje nasielnictva prezidenta Zialenskaha vajavać sa źviazanaj rukoj za śpinoj. Zamiest hetaha Brytanija pavinna vydać pramoje papiaredžańnie Pucinu», — piša jon.
«Kali vy praciahniecie zabivać mužčyn, žančyn i dziaciej KABami, zapuščanymi z Rasii, to my prymusim astatni śviet dazvolić našym rakietam dalokaha dziejańnia źniščyć vašyja puskavyja ŭstanoŭki, dzie b jany ni znachodzilisia — navat unutry Rasii», — tłumačyć Šaps.
Eks-ministr taksama zaklikaŭ urad Vialikabrytanii zaachvočvać Francyju, ZŠA i «bolš strymanuju» Hiermaniju hetak ža źniać abmiežavańni na dalnabojnuju zbroju dla Ukrainy
«z prostym ultymatumam Pucinu: spynicie vašy pastajannyja ataki na Ukrainu, ci my padtrymajem adkaz Ukrainy».
U apošnija tydni, nahadvaje «Jeŭrapiejskaja praŭda», Ukraina aktyŭna zaklikała sajuźnikaŭ źniać usie abmiežavańni na ŭdary ich dalnabojnaj zbrojaj pa Rasii, tłumačačy, što heta dazvolić paražać u pryvatnaści samaloty, ź jakich zapuskajuć kryłatyja rakiety i kiravanyja avijacyjnyja bomby.
U pačatku lipienia na Daŭninh-stryt kazali, što palityka ŭrada pa vykarystańni Ukrainaj pieradadzienaj dalnabojnaj zbroi nie źmianiłasia. Pry hetym brytanski premjer Kir Starmier skazaŭ, što sposab vykarystańnia pieradadzienych Brytanijaj rakiet Storm Shadow źjaŭlajecca spravaj Ukrainy.
U toj ža čas, pa danych ŚMI, u Vialikabrytanii padtrymlivajuć ideju ŭdaraŭ rakietami Storm Shadow pa celach u Rasii, adnak publična nie zaklikajuć da jaje, bo aścierahajucca paharšeńnia adnosin z ZŠA.
ZŠA ŭzhadnili pieradaču Ukrainie kryłatych rakiet vialikaj dalokaści dla F-16 — Reuters
Dazvoł Ukrainie zapuskać brytanskija rakiety Storm Shadow pa Rasii błakujuć ZŠA
Novy ŭrad Vialikabrytanii dazvoliŭ vykarystoŭvać brytanskija rakiety Storm Shadow dla ŭdaraŭ pa Rasii
«My źbirajem ich, jak IKEA». Ukraina pry dapamozie zachodnich technałohij sama stvaraje drony, jakimi atakuje Rasiju
«Padlik hałasoŭ jak sataniscki rytuał». Były člen kamisii raskazaŭ, jak u Biełarusi falsifikujuć vybary11
Kamientary