U Minsku pradajuć dom z basiejnam z padahrevam i haražom unutry dy manumientalnaj leśvicaj
Kali vy kali-niebudź hulali pa vulicy Bresckaj, napeŭna, źviartali ŭvahu na hety katedž. Z fasadu trochpaviarchovy dom hladzicca niezvyčajna: nie adrazu razhladziš u im siamiejnaje hniazdo. Unutry žyllo taksama vyhladaje nie mienš efiektna, piša Onliner.by.
Niezvyčajny ŭ architekturnym płanie katedž uładalniki pabudavali dla siabie ŭ 2007 hodzie. Jaho ahulnaja płošča — kala 400 «kvadrataŭ». U domie try ŭzroŭni: na cokalnym paviersie raźmiaściŭsia basiejn z padahrevam. Tam ža znachodziacca sauna, sanvuzieł, haspadarčaje pamiaškańnie, pralnia, kacielnia. Na cokalnym paviersie jość asobnyja vychady na vulicu. Akramia hetaha, na nižnim uzroŭni praduhledžany dva haražy, jakija prymykajuć da doma.
Padymajemsia na ŭzrovień vyšej. Tut, na pieršym paviersie, adviali miesca dla prastornaj haścinaj na 64 «kvadraty» z vychadam na bałkon. Nie zabylisia harderobnyja, a taksama haściavy pakoj z raździelnym sanvuzłom.
Mabyć, hałoŭnaj asablivaściu interjeru doma možna śmieła nazvać manumientalnuju leśvicu, jakaja viadzie na druhi pavierch.
Pa takim pryncypie niaredka prajektujuć administracyjnyja budynki, ale, jak pakazvaje praktyka, u žyłym domie padobnyja rašeńni taksama mohuć być całkam udałymi. Na samym vierchnim paviersie ŭładalniki katedža adviali miesca dla prastornaj spalni ŭ 24 «kvadraty», dzie praduhledzieli vychad na bałkon. Tut ža znachodziacca dva žyłyja pakoi pa 23 mietry, dva paasobnyja sanvuzły, adzin ź jakich z džakuzi.
Kali kazać pra kamunikacyi, tut jość usio dla kamfortnaha pražyvańnia: centralnaja kanalizacyja i vodazabieśpiačeńnie ź sistemaj źmiakčeńnia vady i ačystki ad žaleza.
Taksama dadatkova ŭstalavanaja pompa dla padtrymańnia cisku vady na patrebnym uzroŭni. Elektryčnaść u domie praviedziena pa asobnaj padziemnaj linii, naŭprost ad transfarmatarnaj padstancyi, tamu dla ŭładalnikaŭ «elektryčak» možna ŭstalavać zaradku.
Aciapleńnie hazavaje. Kali vieryć aŭtaru abjavy, u domie ŭstalavanaja sistema «ekaŭborki», jakaja praduhledžvaje adviadzieńnie brudnaha pavietra za miežy žyłych pamiaškańniaŭ. Za tempieraturu ŭ domie adkazvaje šeść kandycyjanieraŭ, a taksama sistema prymusovaj vientylacyi.
Katedž pradajuć z usioj meblaj i technikaj, tamu ŭ jaho možna zajazdžać i žyć. Na dobraŭparadkavanaj terytoryi ŭ 5 sotak jość nievialiki aazis z traŭnikam, alpijskaj horkaj i nievialikaj sažałkaj. Sam učastak akružany tujami pa pierymietry. Stać uładalnikam hetaha trochpaviarchovaha doma možna za $459 tysiač.
Ci zdaść Tramp Ukrainu Rasii? Čamu demakraty razhromlenyja? Da čaho pryviadzie kantrol respublikancaŭ nad vykanaŭčaj i zakanadaŭčaj uładaj adnačasova?8181
Kamientary