Pasły ES pryjšli da budynka suda ŭ Rečycy, dzie zasłuchoŭvajecca sprava Paliny Šarendy-Panasiuk
Fiederalny ŭrad Hiermanii patrabuje vyzvalić palityčnych źniavolenych u Biełarusi.
Pasły ES pryjšli da budynka suda ŭ Rečycy, dzie zasłuchoŭvajecca sprava ad praciahu źniavoleńnia Paliny Šarendy-Panasiuk
«Siońnia ŭ adnym z sudoŭ horada Rečyca, Homielskaja vobłaść, adbudziecca sud nad Palinaj Šarenda-Panasiuk, jakaja niespraviadliva znachodzicca ŭ źniavoleńni. Abvinavačvańni suprać jaje niespraviadlivyja i palityčna matyvavanyja.
Pradstaŭnica Pasolstva Hiermanii ŭ Minsku, a taksama pradstaŭniki inšych dyppradstaŭnictvaŭ u Biełarusi nakiravalisia siońnia da budynka suda, kab vykazać svaju salidarnaść z Palinaj Šarenda-Panasiuk.
Toj fakt, što maci dvaich niepaŭnaletnich dziaciej u Dzień maci, niahledziačy na ŭžo adbyty turemny termin, vymušana znoŭ paŭstać pierad sudom, demanstruje biaźlitasnaść biełaruskaha režymu ŭ dačynieńni da inšadumcaŭ.
Fiederalny ŭrad Hiermanii patrabuje vyzvalić palityčnych źniavolenych u Biełarusi», — havorycca ŭ infarmacyi Pasolstva ŭ fejsbuku.
«Navat jaho prychilniki zrazumieli, što žyć jak raniej užo nie atrymajecca». Biełarusy raskazali pra atmaśfieru ŭ krainie napiaredadni vybaraŭ8
Kamientary