U noč na 1 listapada ŭkrainski bieśpiłotnik atakavaŭ naftabazu ŭ horadzie Śvietłahrad Staŭrapolskaha kraju, paviedamiŭ hubiernatar rehijonu Uładzimir Uładzimiraŭ.
Pavodle źviestak Uładzimira Uładzimirava, dron upaŭ na terytoryi abjekta, pry hetym nichto nibyta nie paciarpieŭ, piša The Moscow Times.
Videazapis z momantam udaru bieśpiłotnika apublikavaŭ telehram-kanał Baza. Na kadrach vidać, jak paśla prylotu drona adbyŭsia vybuch i pačaŭsia pažar pobač z adnym z reziervuaraŭ.
Jašče adno videa ŭdaru raźmiaściŭ u siabie telehram-kanał «Ostorožno, novosti». Na im supracoŭniki biaśpieki abmiarkoŭvajuć prylot latalnaha aparata. Adzin ź ich adznačaje, što spracavała abarona — śpiecyjalnaja mietaličnaja sietka, jakaja była ŭstalavanaja vakoł reziervuara z palivam.
Śvietłahrad raźmieščany ŭ Piatroŭskaj akruzie Staŭrapolskaha kraju, za 80 km na paŭnočny ŭschod ad Staŭrapala. U horadzie znachodzicca śvietłahorskaja naftabaza kampanii «Rasnafta-Staŭrapolle».
Najbujniejšaja naftabaza ŭ Krymie moža być praktyčna całkam źniščana
Vielmi mocny pažar na naftabazie ŭ Piermskim krai Rasii
U Varoniežskaj vobłaści na naftabazie adbyŭsia pažar z-za ŭdaru drona
Pažar na naftabazie ŭ Rastoŭskaj vobłaści narešcie patušyli
«My źbirajem ich, jak IKEA». Ukraina pry dapamozie zachodnich technałohij sama stvaraje drony, jakimi atakuje Rasiju
Kamientary