Adna z krain ES stała bolš achvotna vydavać vizy biełarusam. Jak z hetaha skarystacca?

«Kali paraŭnoŭvać Ispaniju ź inšymi krainami, naprykład, z Polščaj, Hrecyjaj, Vienhryjaj, to vierahodnaść atrymać ispanski «šenhien» ciapier vyhladaje bolš pryvabnaj, — dzielicca nazirańniami Anastasija. — Čamu tak adbyłosia? Možna tolki zdahadvacca. Mahčyma, źmianilisia konsuły albo pad kaniec hoda kvoty na multyvizy jašče nie vybranyja».

Šmatrazovyja vizy.

Pa słovach surazmoŭcy, na hety momant ispanskaje pasolstva razhladaje dakumienty na vizu kala 45 dzion. Słoty abo miescy na padaču dakumientaŭ na listapad užo vydali. Nastupnyja, na śniežań, vierahodna, źjaviacca ŭ kancy hetaha miesiaca. Choć niama dakładnaj daty, kali mienavita heta budzie.

Pry hetym na praciahu miesiaca byvajuć «dakidy», kaža śpiecyjalistka, tamu lepš prosta manitoryć sajt ispanskaha vizavaha centra.

«Pry padačy dakumientaŭ možna zapytać vizu za 30 dzion da vyjezdu (heta značyć za 30 dzion z daty padačy dakumientaŭ). Takaja opcyja dastupnaja pad adkaznaść zajaŭnika. Što heta značyć? Čałavieku dajuć padpisać zajavu, u jakoj jon piša, što razumieje: pašpart moža nie viarnucca da patrebnaha jamu terminu, ale vizavy centr nie niasie za heta adkaznaści, — kaža Anastasija. —

U toj ža čas, kali zapyt spracuje, to, tearetyčna, pašpart z vynikam možna atrymać jašče da navahodnich śviataŭ. Ale adznaču, što, akramia terminaŭ razhladu, jašče jość čas čakańnia samoha zapisu.

Kali ŭličvać kolkaść achvotnych i pieryjadyčnaść dadavańnia miescaŭ vizavym centram, to tym, chto choča atrymać «šenhien» da Novaha hoda, treba mocna paśpiašacca».

U paniadziełak, 4 listapada, kali žurnalisty «Lusterka» adkryli na sajcie vizavaha centra ŭkładku «Papiaredni zapis», to pabačyli tolki biełuju staronku i nadpis 403 Forbidden. Anastasija adznačaje, što, kali źjaŭlajucca słoty, staronka adlustroŭvajecca narmalna.

«Samastojna złavić słot składana, ale mahčyma», — adznačaje ekśpiertka.

Śpiecyjalistka tłumačyć: padavać dakumienty na ispanskuju vizu čałaviek moža i jak samastojny padarožnik, i ŭ składzie turystyčnaj hrupy. Termin razhladu dakumientaŭ u pasolstvie dla ŭsich standartny, tamu kožny vybiraje varyjant, jaki jamu bolš padychodzić.

«Pry samastojnaj pajezdcy dakumienty, jakija paćviardžajuć metu vizitu ŭ krainu, zajaŭnik rychtuje sam. Kali čałaviek płanuje atrymać turystyčnuju vizu, jamu nieabchodna padać broń žylla (dapuskajecca biez apłaty), a taksama transpartnyja dakumienty pa maršrucie (naprykład, kvitki na samalot da Ispanii), — adznačaje Anastasija. — Majo mierkavańnie: nabyvać tur, kab padstrachavać siabie ŭ atrymańni vizy, sensu niama».

Na jaki pieryjad ciapier dajuć ispanskuju vizu?

Pa słovach ekśpiertki, vielmi doŭha taki «šenhien» ludziam stavili nie bolš čym na 30 dzion. Ciapier statystyka palepšyłasia.

«Stali čaściej vydavać multyvizy terminam na try-šeść miesiacaŭ, što nie moža nie radavać, — adznačaje surazmoŭca. — Pa maich nazirańniach, pasolstva stała bolš detalova vyvučać vizavuju historyju zajaŭnika, a taksama poŭny kamplekt dakumientaŭ.

Kab mieć vialikuju vierahodnaść atrymać ispanski «šenhien», raju prykładać dokazy naviedvańnia hetaj krainy, kali vy tam byli (broni, fota, čeki), padavać vypiski z kart-rachunku z abarotam za apošnija šeść miesiacaŭ i astatak. Čym jon bolšy, tym lepš, ale nie mienš za 1500 jeŭra na čałavieka».

• 0
• 1
• 2
• 4
• 1
• 0
• 0
• 1