Kudy zaraz źviartacca pa vizu?
Vizavy centr Vialikabrytanii ŭ Minsku (TLScontact, vuł.Niamiha, 40) zakryvajecca 1 studzienia 2025 hoda. A ŭsie pracedury pa apracoŭcy zajavak na vizu pieradajucca kampanii VFS Global (vuł. Babrujskaja 6), piša Blizko.by.
Na sajcie TLScontact napisana, što z 4 śniežnia karystalniki vizavaha centra Vialikabrytanii nie zmohuć atrymać dostup da svaich anłajn-akaŭntaŭ. Kali była zapłanavana sustreča, važna zahruzić usie nieabchodnyja dakumienty da hetaj daty.
Tych, chto zapisaŭsia na padaču dakumientaŭ u TLScontact da 4 śniežnia, źmieny nie datyčacca — pryjom dakumientaŭ projdzie jak i płanavałasia.
U vypadku, kali rašeńnie pa zajaŭcy nie budzie pryniata da zakryćcia centra, usie važnyja fajły padajucca buduć pieradadzienyja ŭ VFS Global. Paśla hetaha ź im źviažucca, kab pieradać prajazny dakumient.
Kali zajava ŭžo padadzienaja, ale pastanovu ab vizie pakul nie pryniali, dakumienty taksama pieradaduć u VFS Global.
Pasłuha ekspres-dastaŭki kurjeram taksama bolš nie dastupnaja praz TLScontact.
-
Zamok źmianili, a rečy vynieśli ŭ padjezd. Biełaruska viarnułasia z adpačynku ŭ arandavanaje žyllo ŭ Polščy, ale jaje čakaŭ siurpryz
-
Hamialčanka pieratvaryła kvateru ŭ śmietnik dla adkidaŭ. Śmiećcie prybrała, ale žyllo ŭsio adno straciła
-
Toj «Maksim z Łatvii», jaki ŭciok u Biełaruś, — idejny zmahar z alimientami
Bondarava zachacieła dvuchmoŭja, jak u Finlandyi. My taksama za6
Kamientary