Orban prapanavaŭ Pucinu abviaścić kaladnaje pieramirje i pravieści bujny abmien pałonnymi
Kreml raspavioŭ ab kansultacyjach pa ŭstalavańni miru va Ukrainie.
Kansultacyi pa mirnym urehulavańni va Ukrainie praciahnucca, Maskva padtrymlivaje namahańni premjera Vienhryi Viktara Orbana, zajaviŭ pres-sakratar prezidenta Rasii Dźmitryj Piaskoŭ, paviedamlaje RBK.
«Zychodzim z taho, što kansultacyi pa ŭstalavańni miru buduć praciahnutyja. Rasijski bok całkam padtrymlivaje namahańni Orbana, nakiravanyja na pošuk mirnaha ŭrehulavańnia i raźviazańnie humanitarnych pytańniaŭ, źviazanych z abmienam pałonnymi», — skazaŭ Piaskoŭ.
Pavodle jaho słoŭ, padčas učorašnich telefonnych pieramovaŭ Orban prapanavaŭ Pucinu pravieści napiaredadni Kaladaŭ bujny abmien pałonnymi pamiž Rasijaj i Ukrainaj, a taksama abviaścić Kaladnaje spynieńnie ahniu.
Maskva pieradała prapanovu praz Budapiešt, adnak, miarkujučy z reakcyi Kijeva, ukrainski bok jaho adchiliŭ, skazaŭ Piaskoŭ.
Orban patelefanavaŭ Pucinu 11 śniežnia paśla sustrečy z abranym prezidentam ZŠA Donaldam Trampam, jaki nieadnarazova zajaŭlaŭ, što maje namier zaprasić Rasiju i Ukrainu za stoł pieramovaŭ i chutka zaviaršyć kanflikt.
-
U Rasii salistku vajskovaha arkiestra aštrafavali na $30 tysiač za sprobu dakazać kaleham, što va Ukrainie hinuć cyvilnyja
-
U noč na čaćvier Hrozny padvierhnuŭsia napadu bieśpiłotnikaŭ
-
«Rasija nikoli nie spynicca — jaje možna tolki rabić słaboj». Vialikaja hutarka z kamandziram kalinoŭcaŭ Paŭłam Šurmiejem
Cichanoŭskaja: Pierapryznačeńnie Łukašenki nie maje nijakaha ŭpłyvu na maju dalejšuju pracu9
Kamientary