Прэм'ер Харватыі Андрэй Пленкавіч назваў ганебнай заяву прэзідэнта краіны аб канфлікце Расіі і Украіны.
Пазіцыя прэзідэнта Харватыі Зорана Міланавіча аб магчымых дзеяннях у канфлікце Расіі і Украіны не супадае з пазіцыяй урада краіны. Аб гэтым заявіў харвацкі прэм'ер-міністр Андрэй Пленкавіч.
Палітык назваў заявы Міланавіча аб тым, што яго візіт ва Украіну можа дрэнна адбіцца на адносінах Харватыі і Расіі, ганебнымі. «Яго заява аб карупцыі ва Украіне — гэта не наша пазіцыя, і я ад імя ўрада прашу прабачэння ва украінцаў за такія недарэчнасці», — папрасіў ён.
Са слоў Пленкавіча, ва Украіне няма салдат Харватыі, а кантынгент, які знаходзіцца ў Польшчы ў рамках сіл НАТА, ужо вярнуўся. «Я не ведаю, якіх менавіта ваенных мае намер вывесці прэзідэнт», — адзначыў ён.
Раней прэзідэнт Харватыі заявіў, што краіна адкліча сваіх вайскоўцаў з сіл НАТА ў рэгіёне ў выпадку канфлікту паміж Масквой і Кіевам. Ён таксама падкрэсліў, што Украіна — гэта «адна з самых карумпаваных краін свету», і заявіў, што ёй не месца ў Паўночнаатлантычным альянсе. Украіна запатрабавала ад Харватыі выбачэнняў за словы Міланавіча.
Чытайце таксама:
Прэзідэнт Харватыі: Украіне не месца ў НАТА, і ў выпадку нападу Расіі Заграб дапамагаць ёй не будзе
Таццяна Зарэцкая больш не эстонская стартаперка. Цяпер яна спрабуе стаць пасярэдніцай інвестараў у Саудаўскай Аравіі13
Каментары