Premjer Charvatyi Andrej Plenkavič nazvaŭ haniebnaj zajavu prezidenta krainy ab kanflikcie Rasii i Ukrainy.
Pazicyja prezidenta Charvatyi Zorana Miłanaviča ab mahčymych dziejańniach u kanflikcie Rasii i Ukrainy nie supadaje z pazicyjaj urada krainy. Ab hetym zajaviŭ charvacki premjer-ministr Andrej Plenkavič.
Palityk nazvaŭ zajavy Miłanaviča ab tym, što jaho vizit va Ukrainu moža drenna adbicca na adnosinach Charvatyi i Rasii, haniebnymi. «Jaho zajava ab karupcyi va Ukrainie — heta nie naša pazicyja, i ja ad imia ŭrada prašu prabačeńnia va ukraincaŭ za takija niedarečnaści», — paprasiŭ jon.
Sa słoŭ Plenkaviča, va Ukrainie niama sałdat Charvatyi, a kantynhient, jaki znachodzicca ŭ Polščy ŭ ramkach sił NATA, užo viarnuŭsia. «Ja nie viedaju, jakich mienavita vajennych maje namier vyvieści prezident», — adznačyŭ jon.
Raniej prezident Charvatyi zajaviŭ, što kraina adkliča svaich vajskoŭcaŭ ź sił NATA ŭ rehijonie ŭ vypadku kanfliktu pamiž Maskvoj i Kijevam. Jon taksama padkreśliŭ, što Ukraina — heta «adna z samych karumpavanych krain śvietu», i zajaviŭ, što joj nie miesca ŭ Paŭnočnaatłantyčnym aljansie. Ukraina zapatrabavała ad Charvatyi vybačeńniaŭ za słovy Miłanaviča.
Čytajcie taksama:
Prezident Charvatyi: Ukrainie nie miesca ŭ NATA, i ŭ vypadku napadu Rasii Zahrab dapamahać joj nie budzie
«Treba niešta mianiać. Heta ŭžo naśpieła». Baćka Kanapackaj padzialiŭsia dumkami pra vybary i ŭdzieł dački ŭ ich23
Kamientary