Рэцыдывіст пра Акрэсціна: «Такога не бачыў за ўвесь свой 26-гадовы стаж»
Чытач «Нашай Нівы» расказаў пра сваё знаходжанне ў ЦІПе.
Чытач знаходзіўся на Акрэсціна ў пачатку 2023 года. Ён піша, што кіраўніцтва ўстановы наўмысна падтрымлівала ў камерах невыносную цеснату.
Пры гэтым колькасць людзей у камеры намагаліся строга кантраляваць. Так, у камеры, дзе знаходзілася чацвёра нараў, было 24 чалавекі, у камеры з шасцярымі нарамі — 27 чалавек. Як піша былы вязень, як толькі «мы налічылі 15 чалавек на чацвёра нараў і баяліся [спужаць] фартуну, як нам зладзілі свята БНР» і злілі дзве камеры ў адну.
Ён пацвярджае звесткі аб тым, што ў камерах, дзе размешчаны «палітычныя», ніколі не выключаецца асвятленне. Таму зняволеныя клаліся галавою да тумбачак, каб не так свяціў у вочы «месяц».
Чытач спасылаецца на словы сукамерніка — рэцыдывіста Пятровіча, які правёў у турмах, па яго ўласных словах, 26 гадоў — аб тым, што «такога, як у нашай камеры, ён не бачыў за ўвесь свой стаж».
Гэты чалавек у камеру трапіў не выпадкова. У яго былі лабковыя вошы. Акрамя таго, стары дрэнна бачыў і не мог праз гэта акуратна змыць за сабою ў прыбіральні.
Чытач піша, што ў сакавіку разам з ім у камеры знаходзілася два чалавекі, якія былі хворыя на астму. Ён зразумеў гэта па леках, якія стаялі ў тумбачцы, якую выпадкова зачапіў галавою, калі клаўся спаць. Сярод зняволеных быў і доктар.
Былы зняволены згадвае, што калі ў яго ацяклі ногі, «прадольная спрабавала зрабіць хоць што-небудзь з таго, што магла, і зрабіла — праз хвілін 30 расстаралася таблетачку, і ацёк ног прайшоў».
Чытайце яшчэ:
Смерць мужчыны на Акрэсціна: вось што вядома і што застаецца пад пытаннем
«Шанцаў на выратаванне не было». Падрабязнасці смерці мастака Алеся Пушкіна
Наступствы маглі быць катастрафічныя. Доктар — пра хваробу Марыі Калеснікавай
Як мучылі Ціля Швайгера і цэнтры гарадоў, каб стварыць карцінку для судзімага за махлярства пратэжэ Дзмітрыя Баскава15
Каментары
А гимн играющий по утрам и вечерам...
Свет да не выключают.. куртки отбирали, что бы на бетонном холодном полу в байке или майке только лежать и пытаться заснуть. И проверки по ночам с построением...
Просто издеваются... а там же нормальные люди. Есть пожилые, у ртх куча родственников...один сказал, что выйдет расскажет , как минимум 50 его домашних будут нет....не бояться...ненавидеть будут власть за такое.. эффект то обратный, но ума у мвд не хватает понять это. Да и не их дело, они только команду Фас исполняют.