У Лунінцы за каментары затрымалі мужчыну. Ён выдаліў акаўнт, але яго ўсё роўна знайшлі — вось як гэта магло быць
Не заўсёды справа толькі ў тэлеграм-акаўнце. Падчас пошуку людзей губазікаўцы могуць карыстацца рознымі метадамі.
Затрыманага клічуць Аляксандр Паліўка. Калі верыць сацсеткам, мужчыне 36 гадоў, ён з Лунінца. Аляксандр жанаты і мае непаўналетняе дзіця.
Мужчына пакідаў каментары ў тэлеграм-чатах, а мінулай восенню выдаліў акаўнт. Адшукалі яго не адразу — менавіта таму, што ягоны акаўнт не «б'ецца» так проста (у параўнанні з выпадкам, які мы апісвалі раней), хоць і даволі стары. Але падказкай магла быць гісторыя імёнаў акаўнта.
Калі паглядзець, як змяняліся нікі, то можна зрабіць выснову: імаверна, чалавека клічуць Аляксандр і ён з Лунінца ці ваколіцаў, бо адзначыўся ў мясцовых чатах. Можна звярнуць увагу і на тое, што ў змяненні імёнаў ёсць некалькі згадак слова «Paliva» на лацінцы. Гэта наводзіць на думкі пра тое, што такі нікнэйм чалавек мог выкарыстоўваць недзе яшчэ.
З дапамогай сэрвісаў, якія збіраюць уцечкі, можна праверыць нікнэйм і атрымаць вынік — сярод іншых ёсць чалавек, які выкарыстоўваў гэтае імя карыстальніка ў некалькіх гульнях, а таксама ягоны мэйл. Калі праверыць гэты мэйл па базах уцечак, то мы атрымаем старонку Аляксандра ва «Укантакце», ужо выдаленую (але захаваную ў базах ботаў).
Каб пазбегнуць такіх сітуацыяў, пільна сачыце за тым, што і калі вы пішаце, згадайце, як называўся ваш акаўнт і дзе вы маглі «наслядзіць». Каб праверыць каментары, скарыстайцеся адмысловым ботам. Калі вы не памятаеце гісторыі назваў, то выдаліце акаўнт і перастварыце яго нанова.
«Наша Нiва» — бастыён беларушчыны
ПАДТРЫМАЦЬЯк мучылі Ціля Швайгера і цэнтры гарадоў, каб стварыць карцінку для судзімага за махлярства пратэжэ Дзмітрыя Баскава11
Каментары