«Россия, нагрубил тебе с порога». Шарлот прызнаў віну ў «рэабілітацыі нацызму» і выбачыўся перад «рускім народам»
Сёння ў судзе горада Самара разглядалася пытанне пра меру стрымання спеваку Шарлоту па справах аб «абразе пачуццяў вернікаў» і «рэабілітацыі нацызму».
Падчас пасяджэння Шарлот прызнаў віну, піша «Медуза».
Суд пастанавіў арыштаваць яго да 24 студзеня.
Тэлеграм-канал Mash апублікаваў відэа, на якім Шарлот у судзе зачытвае верш пра Расію. У ім спявак просіць прабачэння ў «рускага народа» і абяцае «абараняць духоўна рускамоўны спакой»: «Россия, нагрубил тебе с порога».
На судзе таксама выступіў бацька Шарлота. Ён сказаў, што пасля ад'езду з Расіі яго сын «паддаўся дрэннаму ўплыву», але ў выпадку вызвалення Шарлот будзе дапамагаць «байцам на СВА» (так у Расіі называюць поўнамаштабнае ўварванне ва Украіну).
Шарлота затрымалі пасля даносу кіраўніка Лігі бяспечнага інтэрнэту Кацярыны Мізулінай у аэрапорце Пулкава (Санкт-Пецярбург) 22 лістапада. Суд прызначыў яму 13 сутак адміністратыўнага арышту. Праз два дні Мізуліна распавяла, што супраць Шарлота распачалі дзве крымінальныя справы.
Падставай для пераследу спевака сталі відэа, апублікаваныя ім улетку. У адным з іх спявак спальвае пашпарт Расіі, а ў другім — прыбівае да распяцця фатаграфію патрыярха Кірыла і свой вайсковы білет.
За «рэабілітацыю» нацызму Шарлоту можа пагражаць да трох гадоў зняволення. Таксама спеваку можа пагражаць да пяці гадоў зняволення за спальванне пашпарта РФ і антываенныя выказванні.
Шарлот (Эдуард Валер'евіч Шарлот, 1998, Самара) — расійскі кампазітар, музыкант, спявак, аўтар песень і акцёр. Першую вядомасць атрымаў дзякуючы каверам на песні гурта «Пошлая Молі»; затым — пасля ўдзелу ў шоу «Песні на ТНТ». Пазней стала вядомая песня «Шчака на шчаку», з якой артыст выступаў на шоу «Вячэрні Ургант»; таксама распаўсюдзілася песня-джынгл, напісаная Шарлотам для рэкламы «Мегафона». У сакавіку 2020 года быў выпушчаны сумесны сінгл з Маргенштэрнам пад назвай «Малышка».
«Вялікі абсалютна чалавек». Коля Лукашэнка расказаў, што для яго бацька і ў чым ягоная апазіцыйнасць32
Каментары