Ізраіль прапануе тэрарыстам ХАМАС двухмесячнае спыненне агню ў сектары Газа — у абмен на ўсіх закладнікаў
Спачатку вызваляюцца хворыя закладнікі, а таксама мужчыны і жанчыны старэйшыя за 60 гадоў.
Амерыканскае выданне Axios паведамляе са спасылкай на крыніцы ва ўрадзе Ізраіля, што праз катарскіх і егіпецкіх пасярэднікаў ХАМАС была перададзена прапанова, якая ўключае ў сябе двухмесячную паўзу ў баявых дзеяннях у рамках шматэтапнага пагаднення, якое будзе ўключаць вызваленне ўсіх закладнікаў, якія ўтрымліваюцца ў Газе, піша Bild.
Па даных крыніц выдання, Ізраіль прапанаваў наступныя крокі. Спачатку вызваляюцца хворыя закладнікі, а таксама мужчыны і жанчыны старэйшыя за 60 гадоў.
Пасля гэтага жанчыны-вайскоўкі, цывільныя мужчыны ва ўзросце да 60 гадоў, мужчыны-вайскоўцы, а таксама целы загінулых закладнікаў павінны быць вернутыя.
Адначасова са спыненнем агню павінны быць вызваленыя і палесцінскія зняволеныя.
Падчас тэрарыстычнага нападу на Ізраіль 7 кастрычніка 2023 гады тэрарысты ХАМАС узялі ў закладнікі 250 чалавек.
Пасля таго як у лістападзе 2023 года каля 100 дзяцей, жанчын і мужчын былі вызваленыя, 132 чалавекі ўсё яшчэ знаходзяцца ў палоне ў тэрарыстаў. 28 з іх лічацца загінулымі.
-
Вячорка: Сярод заходніх палітыкаў існуе жаданне хутчэй скончыць вайну любой цаной. І гэтай цаной можа стаць Беларусь
-
Як мучылі Ціля Швайгера і цэнтры гарадоў, каб стварыць карцінку для судзімага за махлярства пратэжэ Дзмітрыя Баскава
-
Аліну Коўшык спыталі, чаму галоўнай рэдактаркай «Белсата» стала яна, а не Аляксей Дзікавіцкі
Як мучылі Ціля Швайгера і цэнтры гарадоў, каб стварыць карцінку для судзімага за махлярства пратэжэ Дзмітрыя Баскава12
Каментары