Дапамогу для былой палітзняволенай Вольгі Такарчук сабралі ўсяго за 10 гадзін
Пра хуткі паспяховы вынік збору, аб'яўленага для падтрымкі блогеркі і былой палітзняволенай Вольгі Такарчук, якая нядаўна была вымушаная пакінуць радзіму перад пагрозай новага зняволення, паведаміў кіраўнік Фонду салідарнасці «Байсол» Андрэй Стрыжак.
«Дзякую ўсім за рэкордную актыўнасць збору для Вольгі Такарчук! Усяго 10 гадзін спатрэбілася, каб дайсці да мэты», — напісаў Стрыжак.
За мэту было пастаўлена назбіраць 6300 еўра.
Пры гэтым збор пакуль не закрыты і калі вы хочаце падтрымаць блогерку і яе сям’ю — у Вольгі арыштавалі маці, а бацька мусіў эміграваць разам з дачкой, — то гэта яшчэ можна зрабіць.
Чытайце таксама:
Блогерка Вольга Такарчук, якая тэрмінова з'ехала з Беларусі з бацькам, просіць аб дапамозе
Як мучылі Ціля Швайгера і цэнтры гарадоў, каб стварыць карцінку для судзімага за махлярства пратэжэ Дзмітрыя Баскава15
Каментары