Палітычны лідар групоўкі ХАМАС Ісмаіл Ханія расказаў, што ягоныя сыны Хазем, Амір і Мухамад Ісмаіл загінулі ў выніку авіяўдару па сектары Газа.
Ісмаіл Ханія (злева). Фота: Khalil Hamra / AP
Ханія, які займае пасаду кіраўніка палітбюро ХАМАС, растлумачыў, што сыны заставаліся ў сектары пасля пачатку ваеннай аперацыі Ізраіля. Раней інфармагенцтва ў Газе паведаміла пра гібель сыноў і ўнукаў Ханіі ў выніку ўдару па лагеры бежанцаў, адзначае BBC.
Гэта не першыя члены сям'і Ханіі, якія загінулі падчас вайны: у лютым быў забіты яшчэ адзін сын лідэра ХАМАС, у кастрычніку ён страціў брата і пляменніка, а ў лістападзе быў забіты ўнук.
Ханія заявіў, што гібель ягоных сваякоў не зменіць пазіцыю ХАМАС на перамовах аб спыненні агню. Ізраіль пакуль не каментаваў інфармацыю пра гібель сыноў Ханіі.
Каментары