U pieradačy «Zona Ch» na BT vyjšaŭ siužet, pryśviečany paetu Słavamiru Adamoviču, jakoha asudzili na 2 hady chatniaj chimii — paet abnios susiedskuju chatu.
Čytajcie: Paetu Słavamiru Adamoviču prysudzili 2 hady chatniaj chimii
Ale ŭ roliku ŭzhadvajecca jašče adzin dziŭny incydent, jaki adbyŭsia padčas śviatkavańnia BNR-100 u 2018 hodzie. Na videa tvar dziaŭčyny zakryty, imia nie ŭzhadvajecca. Asobu paciarpiełaj ahučyŭ u fejsbuku sam Adamovič — heta maładaja pravaabaronca Anisija Kaźluk.
«Naša Niva» źviazałasia z Anisijaj. Dziaŭčyna paćvierdziła: niepryjemnaja historyja z udziełam Adamoviča sapraŭdy była.
«Heta było 25 sakavika 2018 hoda, padčas śviatkavańnia Dnia Voli. My byli ŭ kaviarni, u kampanii prysutničaŭ Adamovič. Moj zaplečnik byŭ pad stałom — a paśla źnik.
Paźniej vyśvietliłasia, što Adamovič źnios zaplečnik. Ja pazvaniła, jon paćvierdziŭ, što tak, zaplečnik u jaho, maŭlaŭ, pryjedźcie zabiarycie. Skazaŭ, što i sam nie viedaje, jak tak adbyłosia. Ja spačatku pavieryła, što ŭziaŭ vypadkova, kab zachavać, mo mianie niedzie nie pabačyŭ», — raskazvaje dziaŭčyna.
Ale z zaplečnika źnikła kala 200 rubloŭ i roznyja drobiazi, naprykład navušniki.
«Paźniej ja była ŭžo ŭpeŭnienaja, što Adamovič zaplečnik nie vypadkova ŭziaŭ, a mienavita skraŭ. U zaplečniku byŭ fotaaparat. I paśla, kali ja prahladała fotki z Dnia Voli, znajšła dziŭnyja.
Akazałasia, što Adamovič uziaŭ maje rečy, raskłaŭ u siabie na łožku, sfatahrafavaŭ na moj ža fotaaparat, paśla čaho pakłaŭ fotaaparat nazad u zaplečnik!
— raspaviadaje Anisija. — Byli na fotaaparacie i zdymki, jakija Adamovič zrabiŭ, kali viartaŭsia dadomu na elektryčcy».
Kaźluk paprasiła paeta patłumačyć, što adbyłosia. Pa słovach dziaŭčyny, toj pryznaŭ, što heta sapraŭdy byŭ kradziež, pryznaŭsia, što jon kleptaman.
«Ja prapanavała vyrašyć situacyju. Damovilisia sustrecca. Adamovič pryjechaŭ pahavaryć, častku rečaŭ addaŭ. My padličyli ahulny košt taho, što źnikła. Hrošy jon mnie paśla za heta addaŭ. Tamu my damovilisia nie afišavać situacyju, ale jon sam usio vynies na ludzi, — kaža Anisija. — I letaś Adamovič sam apublikavaŭ videa, pryśviečanaje hetaj historyi.
Kali sioleta pravaachoŭniki źbirali na jaho daśje, pabačyli toje videa, praviali pravierku. Padčas vobšuku ŭ jaho znajšli inšyja rečy čužych ludziej. U SK vyklikali i mianie. Ja raspaviała, jak i što było, i napisała papieru, što nie maju pretenzij i prašu spynić kryminalnuju spravu. Bo mnie škada čałavieka, jaki voś takimi šlachami pryciahvaje ŭvahu da siabie».
Ale na hetym nie skončyłasia.
«Paśla Adamovič jašče nadrukavaŭ u «Novym časie» artykuł u žanry «mastackaja analityka». U im Adamovič apisvaŭ, jak śviatkavaŭ Dzień Voli, jak paśla vypadkova znajšoŭ doma moj zaplečnik…
Ale tam chapała niepryjemnych vyrazaŭ u moj adras. Mianie ŭzhadvaŭ nie pa imieni, a jak «ruduju fieju», tekst byŭ seksiscki i poŭny abjektyvacyi, — raskazvaje Kaźluk. — U vyniku ja damahłasia, kab «Novy čas» źniaŭ hety artykuł».
«Naša Niva» pacikaviłasia mierkavańniem samoha Słavamira Adamoviča: ci było takoje i navošta jon sam ciapier ahučvaje hetuju historyju?
«Ja napisaŭ pra heta, bo ceły hod čakaŭ razmovy z Anisijaj. Chacieŭ pahavaryć pra hety niedarečny vypadak, jak u mianie akazaŭsia toj zaplečnik, — kaža paet. — Bo raniej razmovy ŭ nas i nie było — u ich byŭ taki nastroj, kab mianie abvinavačvać u kradziažy i nie raźbiracca. A ŭ tym bary, dzie my byli, ałkahol liŭsia rakoju i «Žyvie Biełaruś» stajała sucelnym krykam».
Adamovič nie admaŭlaje — zaplečnik jon prychapiŭ. Ale, śćviardžaje, što prosta pierapiŭ padčas śviata:
«Kali jany byli ćviarozyja i kali tak heta ŭsio pajšło, što Adamovič, prabačcie, sp***dziŭ i niech*** raźbiracca… To vynikaje, što im pofih na rename «Viasny», jakaja i tak nie vyłazić sa skandałaŭ.
Kali ludzi dumajuć, što ja skraŭ, to chaj dumajuć. Ja čakaŭ dokazaŭ. Navat chadziŭ u toj bar, chacieŭ pahladzieć videa, ale skazali, što ŭžo niama.
Asabista ja mahu pryznać, što ałkaholu ŭžyŭ niamierana. A tam užo što tam… Ciažka skazać, kali čałaviek byŭ pad ałkaholem».
Toje ž samaje Adamovič adkazvaje i na pytańnie, navošta fatahrafavaŭ rečy Anisii.
«Ja łaziŭ u zaplečnik, bo inakš jak by znajšoŭ, kamu addavać? Ale heta dziciačaje pytańnie: navošta i jakija manipulacyi rabiŭ pjany čałaviek? — razvažaje Adamovič. —
Hałoŭnaje pytańnie, b**: pracujučy ŭ takim tavarystvie [najchutčej, majecca na ŭvazie «Viasna» — Red.], treba ź ludźmi havaryć!
Ja afihieŭ, kali zrazumieŭ, što mianie robiać złačyncam. Bo ja tady tolki pryjechaŭ paśla dzieviaci hadzinaŭ u Puchavickim RAUSie, dzie prachodziŭ pa dźviuch kryminałkach. I tut mnie jašče takaja historyja, b**. Tamu, kaniečnie, ja strašenna zły na ŭsiu hetuju ch**niu, b**».
Minčanka pakinuła stanoŭčy vodhuk na sumku — i raptam vykryła zdradu čužoha muža13
Kamientary