Akademik NAN Biełarusi: Upłyŭ parnikovych hazaŭ na paciapleńnie klimatu pierabolšany
Rola vykidaŭ parnikovych hazaŭ u pytańniach źmianieńnia klimatu pierabolšanaja. Takoje mierkavańnie vykazaŭ žurnalistam akademik, hałoŭny navukovy supracoŭnik Instytuta pryrodakarystańnia NAN Biełarusi Uładzimir Łohinaŭ, piša BiełTA.
«Pavieličeńnie parnikovych hazaŭ sapraŭdy pryvodzić da rostu tempieratury pavietra, ale rola hetaha čyńniku pierabolšanaja. My pryjšli da paradaksalnych vysnoŭ i pa-inšamu zirnuli na pryrodu paciapleńnia», — adznačyŭ Uładzimir Łohinaŭ.
Jon ličyć, što na źmianieńnie klimatu vysoka ŭpłyvaje suśvietny akijan, jaki praz vadzianuju paru moža rehulavać tempieraturu.
U Biełarusi, pavodle akademika, hadavaja tempieratura ŭ siarednim pavialičyłasia na 1,3 hradusa. Pryčym, kali 15-20 hadoŭ navukoŭcy ličyli, što paciapleńnie adnosicca da zimovaha typu (pavyšałasia tempieratura za košt chałodnych miesiacaŭ), to siońnia razmova idzie pra paciapleńnie letniaha typu. Usio čaściej nie tolki na terytoryi krainy, ale i ŭ Jeŭropie ahułam stali paŭtaracca zasušlivyja pieryjady. Raniej takaja situacyja nazirałasia z roźnicaj u try-čatyry hady, a ciapier — z roźnicaj u dva hady.
Minčanka pakinuła stanoŭčy vodhuk na sumku — i raptam vykryła zdradu čužoha muža16
Kamientary