Pucina padčas pres-kanfierencyi spytali pra jaho dačok. Jon tak ničoha i nie adkazaŭ
Padčas štohadovaj vialikaj pres-kanfierencyi kiraŭnika Kramla Uładzimira Pucina spytali pra jaho dačok Kaciarynu Cichanavu i Maryju Varancovu, paviedamlaje BBC.
Žurnalistka BBC adznačyła, što ŭ 2015 hodzie Pucin admoviŭsia kamientavać svajactva ź Cichanavaj, zajaviŭšy, što jaho dzieci «nie zajmajucca biznesam i nie zajmajucca palitykaj, jany nikudy nie lezuć».
«My bačym, što Cichanavu i Varancovu ŭsio čaściej pakazvajuć pa televizary, jany časta źjaŭlajucca na publicy, ich imiony i źniešnaść užo viadomyja ŭsioj krainie. Infarmacyja ab ich biznesach jość va ŭsich bazach danych. Vidavočna, što ŭsio heta adbyvajecca nie prosta tak. Kali vy ŭžo pryznajecie, što jany vašyja dzieci? I kali jany stanuć publičnymi i adkrytymi dla hramadstva, jak dzieci inšych suśvietnych lidaraŭ?» — spytała jana.
Pucin vyrašyŭ u čarhovy raz nie adkazvać na niazručnaje pytańnie.
«Vy zhadali adnu žančynu, druhuju. Zhadali ich asabistyja doli, abjom biznesu. Prosta adznačyli fakt. Kali vy pakapajeciesia ŭ hetym, vy zrazumiejecie, jaki tam biznes, ci jość jon tam, kamu jon naležyć, chto tam dapamahaje», — skazaŭ jon, tak i nie paćvierdziŭšy, što Cichanava i Varancova jaho dočki.
Stała viadoma, čamu pieramožca biełaruskaha adboru «Mis Suśviet» nie jedzie na konkurs. Jana znajšłasia ŭ SIZA14
Kamientary