U Vialikim teatry adbudziecca štohadovy Navahodni bal. Jak jon padładzicca pad pandemiju?
Navahodni bal u Vialikim, dzie naviedvalniki ŭ daŭhich sukienkach i frakach tancujuć valsy i kantrdansy, sioleta projdzie ŭ dvanaccaty raz. Impreza tradycyjna adbyvajecca ŭ noč na 14 studzienia.
Praz pandemiju karanavirusa ŭ prodaž była puščana abmiežavanaja kolkaść kvitkoŭ — pavodle infarmacyi pres-słužby Vialikaha, na siońnia ich pradadziena krychu bolš za piaćdziasiat pracentaŭ ad ličby minułaha hoda.
Da taho ž asnoŭnyja padziei pieraniesieny na hałoŭnuju scenu, što dazvalaje vialikaj adlehłaściu adździalić udzielnikaŭ balu ad hledačoŭ. «Hetym razam bal budzie prachodzić nie ŭ faje, dzie ŭ minułyja hady było stoŭpatvareńnie: udzielniki buduć vykonvać tancavalnuju prahramu na scenie, a ŭ ramkach jaje budzie iści kancertnaja prahrama. My śpiecyjalna praduhledzieli taki farmat, kab kamfortna siabie adčuvali i hledačy ŭ zale, jakija pryjšli prosta pahladzieć, i ŭdzielniki balu, jakim ciapier addadziena ŭsia naša scena», — raskazaŭ dyrektar Vialikaha teatra Alaksandr Piatrovič.
Kolkaść kvitkoŭ raźličana takim čynam, kab hledačy ŭ zale mahli siadzieć na biaśpiečnaj dystancyi. Dla rabotnikaŭ teatra, što majuć absłuhoŭvać haściej, abaviazkovy masačny režym, teatr taksama raić naviedvalnikam prychodzić u maskach. «Bal usio roŭna jak maskarad, tamu maski mohuć być roznaha farmatu, ale prychodzić biez masak taksama nie zabaraniajem. Nijakaj vialikaj aściarohi my nie majem: pracujem u tym ža režymie, u jakim i pracavali», — kaža Alaksandr Piatrovič.
Zrešty, faje taksama nie budzie pustavać: u antrakcie tut budzie ihrać arkiestr, a z vaśmi hadzin zapracujuć zabaŭlalnyja imprezy. Temaj sioletniaha balu abvieščana historyja pra Śpiačuju pryhažuniu.
-
U Homielskim dramatyčnym teatry — kadravyja čystki. Znoŭ praz «palityku»
-
«Budzie śmiešna i baluča»: «Kupałaŭcy» prezientujuć zaŭtra novy śpiektakl. U hałoŭnych rolach — Manajeŭ, Biełachvościk, Harcujeva
-
«Rašeńnie pryjšło zvonku». Što adbyvajecca ŭ viciebskim teatry, dzie ŭ śpiektakli prahučała «Žyvie Fłandryja!» i pačałasia čarada zvalnieńniaŭ?
«Padlik hałasoŭ jak sataniscki rytuał». Były člen kamisii raskazaŭ, jak u Biełarusi falsifikujuć vybary8
Kamientary