U Vialikabrytanii vypraboŭvajuć kamiery-tabletki dla rańniaj dyjahnostyki raku kišačnika
Kab pravierycca, budzie dastatkova hłynuć tabletku vieličynioj z kapsułu rybinaha tłušču. Heta možna budzie zrabić samastojna i doma, piša VVS.
Maleniečkaja pryłada pad nazvaj PillCam («tabletka-kamiera») źmiaščaje kapsułu daŭžynioj dva santymietry ź videakamieraj i pieradatčykam, što nakiroŭvaje fota vantrob na pryjomnik, zamacavany na pojasie pacyjenta.
Im užo karystajucca endaskapisty Univiersiteckaha kaledža Łondana i śpiecyjalisty ŭ šerahu miedycynskich ustanoŭ Šatłandyi.
Ciapier pačynajucca vyprabavańni z udziełam 11 tysiač pacyjentaŭ u 40 rehijonach Anhlii.
Kapsuła zastajecca ŭ arhaniźmie ad piaci da vaśmi hadzin i vyvodzicca ź jaho padčas defiekacyi.
Pracedura absalutna biasškodnaja i biazbolnaja. Akramia rakavych puchlin jana zdolnaja vyjaŭlać prykmiety inšych zachvorvańniaŭ, takich jak chvaroba Krona.
Novy mietad atrymaŭ nazvu «kapsulnaja endaskapija».
Da ciapierašniaha času endaskapija pravodzicca z abiazbolvańniem u kliničnych umovach.
Kapsulnaja endaskapija, jak i tradycyjnaja, praduhledžvaje papiaredniuju ačystku šłunka, a taksama dva vizity ŭ lačebnuju ŭstanovu — kab atrymać prybor i viarnuć jaho sa zdymkami.
«Navukovaja fantastyka stanovicca realnaściu. Maleniečkaja kamiera ruchajecca skroź čałaviečy arhanizm, robiačy dva zdymki ŭ siekundu», — kaža kiraŭnik Nacyjanalnaj słužby achovy zdaroŭja Anhlii Sajman Styviens.
Miedyki pryśpiešvajuć hetyja daśledavańni, bo aścierahajucca rostu kolkaści zapuščanych vypadkaŭ raku praz skaračeńnie kolkaści kliničnych abśledavańniaŭ u suviazi z karanavirusam.
Puchliny kišačnika źjaŭlajucca druhim pa kolkaści śmiarotnych zychodaŭ vidam raku ŭ Brytanii — u siarednim 16 600 śmierciaŭ u hod. Rańniaja dyjahnostyka vielmi važnaja dla lačeńnia ankałahičnych zachvorvańniaŭ.
«Navat jaho prychilniki zrazumieli, što žyć jak raniej užo nie atrymajecca». Biełarusy raskazali pra atmaśfieru ŭ krainie napiaredadni vybaraŭ6
Kamientary