Amal 30% źjechali, amal 30% płanujuć. Kudy źjazdžajuć ajcišniki
Dev.by vyśviatlaŭ, kolki ajcišnikaŭ źjechała z krainy abo płanuje heta zrabić. Płanami padzialilisia 3000+ śpiecyjalistaŭ.
Paŭdzielničali ŭ apytańni 3000+ IT-śpiecyjalistaŭ. Bolš za 40% — raspracoŭščyki. 50% śpiecyjalistaŭ pracuje ŭ aŭtsorsie, tracina — u «pradukcie».
Ab pierajeździe abo namiery rełakavacca raspaviali 55% IT-śpiecyjalistaŭ. 27% kažuć, što ŭžo źjechali, 28% — płanujuć. Stolki ž nie vyznačylisia. Tolki 15% nie źbirajucca rełakavacca.
Bolš za ŭsio rełakantaŭ i žadajučych źjechać siarod sieńjoraŭ i lidaŭ — 60%+, mienš za ŭsio siarod džunaŭ — 43%.
C-Level vyjechaŭ abo płanuje ŭ 69% vypadkaŭ. Mienš za ŭsio rełakantaŭ siarod nietechničnych śpiecyjalistaŭ — sejłzaŭ, rekrucioraŭ (36,7 i 31,6 pracenta).
Kudy płanujuć źjechać / źjechali
Amal 38% IT-śpiecyjalistaŭ vybrali dla pierajezdu Polšču, 25,5% — Hruziju. Hetyja napramki lidujuć ź vialikim adryvam.
8% vybirajuć Litvu. Astatnija łakacyi papularnyja jašče mienš.
Siarod inšych krain, jakija abrali ajcišniki, — Čarnahoryja, AAE, Daminikana, Ispanija, Čechija, Kanada, Izrail, Armienija, Sierbija i Francyja.
-
Kanadski prafiesar zaklikaŭ biełarusaŭ da vyklučnaj strymanaści ŭ pytańni dystancyjavańnia ad Rasii
-
«Navat jaho prychilniki zrazumieli, što žyć jak raniej užo nie atrymajecca». Biełarusy raskazali pra atmaśfieru ŭ krainie napiaredadni vybaraŭ
-
Krajaznaŭcy Žodzina pakazali, jak razburajecca Bahusłaŭ Pole — miesca, dzie pačałasia historyja horada
«Navat jaho prychilniki zrazumieli, što žyć jak raniej užo nie atrymajecca». Biełarusy raskazali pra atmaśfieru ŭ krainie napiaredadni vybaraŭ4
Kamientary