Prakuratura znajšła na «Kufry» i ŭ internet-kramach «ekstremisckija» knihi. Ich źniali z prodažu
Prakuratura Savieckaha rajona Minska praviała manitorynh i znajšła na internet-placoŭkach prapanovy ab prodažy knih, jakija ŭniesienyja ŭ respublikanski śpis ekstremisckich materyjałaŭ, paviedamlaje «Zierkało» sa spasyłkaj na pres-słužbu viedamstva.
«Zabaronienyja» prapanovy znajšlisia na sajcie abjavaŭ Kufar.by i ŭ internet-kramach OZON i Bestbooks.by. Prakuratura vyniesła pradpisańni, zapatrabavaŭšy nieadkładna likvidavać parušeńni i «vyklučyć prapanovy da prodažu» takich knižnych vydańniaŭ.
Prakuratura Savieckaha rajona h. Minska vyjaviła fakty prodažu na elektronnaj placoŭcy kufar.by, a taksama ŭ internet-kramach OZON i Bestbooks.by knižnych vydańniaŭ, uklučanych u respublikanski śpis ekstremisckich materyjałaŭ.
Usie parušeńni byli likvidavanyja. Ale prakuratura pačała administracyjnyja pracesy pa č. 2 art. 19.11 KaAP za raspaŭsiudžvańnie ekstremisckich materyjałaŭ.
U respublikanski śpis ekstremisckich materyjałaŭ apošnim časam byli ŭklučanyja raman Alhierda Bachareviča «Sabaki Eŭropy», kniha-zbornik intervju z adnajmiennaj prahramy «Jeŭraradyjo» «Biełaruskaja nacyjanalnaja ideja» Dźmitryja Łukašuka i Maksima Harunova, kniha viadomaha biełaruskaha hieraldysta Viktara Lachora «Vajennaja historyja Biełarusi. Hieroj. Simvał. Kolery», a taksama «Biełaruski Danbas» — kniha-rasśledavańnie palitviaźniavolenaj žurnalistki Kaciaryny Andrejevaj i jaje muža Ihara Iljaša.
Kamientary