Na Homielščynie zamiest Chełaŭina buduć śviatkavać Vialesavu noč
Va ŭmovach faktyčnaj zabarony adznačać papularnyja zachodnija śviaty homielskija kłuby padmianiajuć ich rasijskimi. Zamiest Chełaŭina jany kličuć naviedvalnikaŭ na «Vialesavu noč», jakaja pazicyjanujecca jak słavianski anałah hetaha śviata, piša «Fłahštok».
Viales u staražytnaruskaj mifałohii — heta «žyviolny boh», zastupnik žyvioły, lasoŭ, sielskaj haspadarki i mahii.
Pavodle teoryi asnoŭnaha mifa, Viales — źmiejepadobny boh, jaki žyvie na Ziamli, antahanist niabiesnaha hramaboja Pieruna.
Viečarynu ŭ honar Vialesa anansavali, u pryvatnaści, homielski kłub «Niema» i žłobinski Relax Club & Exclusive. U homielskaj ustanovie abiacajuć varažbu, mahičnyja rytuały, prysutnaść šamanaŭ, viedźmaŭ, lesunoŭ i rusałak, a ŭ žłobinskim kłubie — «samuju strašnuju noč u hodzie» z fotazonaj i padarunkami.
U vyniku sutnaść zastajecca taja ž: papularyzacyja «niačystaj siły», «znosin ź miortvymi», šanavańnie pahanskaha boha Vialesa.
Ideja zamieny hetaha śviata «Vialesavaj nočču» pryjšła ŭ Biełaruś z Rasii. Tam viečaryny pad takoj nazvaj masava ładziać zamiest Chełaŭina ŭ škołach, što krytykavali navat prychilniki «ruskaha śvietu».
Darečy, u niekatorych homielskich ustanovach, u tym liku dziciačych, usio ž majuć namier adznačyć mienavita Chełaŭin, jak skazana ŭ abjavach. Ale aficyjna śviata budzie mieć inšyja nazvy. Pry hetym prahramy Chełaŭina nie takija «demanskija», jak u «Vialesavaj nočy», — viktaryny, kvesty, tancy.
Kamientary