Ci moža «Biellehpram» zamianić Zara i H&M? Pahladzieli asartymient i ceny
Na naradzie 27 kastryčnika Łukašenka zaklikaŭ «Biellehpram» zaniać nišu fešn-kampanij, što syšli z Rasii i Biełarusi. Ci mahčyma heta? My pahladzieli, što prapanujuć piać ź viadomych kampanij kancerna i kolki heta kaštuje.
«Kalinka»
Salihorskaja fabryka «Kalinka» prapanuje vialiki asartymient. Z žanočaha adzieńnia tut — tuniki i šorty, sukienki i sarafany, džynsy, płaščy i inšaje.
Naprykład, zaraz «Kalinka» ŭ aficyjnym instahram-akaŭncie prapanuje ŭciaplicca na zimu z dapamohaj voś takoha kaściuma za 309 rubloŭ:
Šukajecie varyjant u ofis? U «Kalincy» možna nabyć ciopły sarafan za 119 rubloŭ:
Hetaje klatčastaje palito kaštuje na sajcie «Kalinki» 297 rubloŭ. Praŭda, u instahram-akaŭncie kampanii adna z kamientatarak piša, što sastaŭ palito — całkam štučny, 100% akryłu:
U «Kalinki» taksama šyrokaja liniejka dziciačaha adzieńnia. Źviarniem uvahu na adzieńnie dziełavoha stylu, bo ŭ adpaviednaści ź im zaraz pavinny adziavacca biełaruskija školniki.
Ceny na adpaviednaje adzieńnie dla školnic startujuć ad 24 rubloŭ (spadnica) i dachodziać da 66 (sarafan). U vypadku z chłopcami baćkam pryjdziecca padrychtavać ad 34 da 55 rubloŭ za džempier — adziny tavar dla chłapčukoŭ u dziełavym styli.
U internet-mahazinie «Kalinki» taksama jość raździeły «Aksiesuary», «Dla doma» i «Inšaje», ale ž zaraz tavaru ŭ ich niama. Cikava, što, miarkujučy pa sajcie, salihorskaja fabryka pradaje i takija rečy, jak sanitarna-hihijeničnyja kambiniezony, bachiły i inšyja tavary anałahičnaha pryznačeńnia.
«Śvitanak»
U kramy «Śvitanka» najčaściej prychodziać pa bializnu, pižamy dy saročki, ale ž jość u ich i liniejki trykatažu na kožny dzień. Naprykład, jašče niekalki tydniaŭ tamu nadvorje dazvalała prymieryć taki trykatažny kaścium ad «Śvitanka» (džempier — 60 rubloŭ, štany — 76 rubloŭ):
Možna padabrać i bolš tannyja varyjanty. Žanočy džempier na fota nižej kaštuje ŭsiaho 32 rubli, dziavočaja sukienka — 28 rubloŭ:
Adna ź fišak «Śvitanka» — jarkija cišotki. Naprykład, voś takaja chłapiečaja cišotka kaštuje ad 15 rubloŭ, šorty — ad 25 rubloŭ:
Što da chałataŭ, tut u «Śvitanka» taksama šmat varyjantaŭ. Možna padabrać niešta bolš darahoje, naprykład, hetuju madel za 123 rubli:
A možna vybrać i bolš tanny chałat:
Ceny na mužčynskaje adzieńnie pačynajucca ad 15 rubloŭ u vypadku sa štanami i ad 17 rubloŭ u vypadku z džempierami. Na fota nižej možna pabačyć, jakija štany i džempier vy atrymajecie za hetyja hrošy:
Kali ž chočacca niešta bolš ciopłaje, pryjdziecca vykłaści da 65 rubloŭ u vypadku z džempierami i da 69 — sa štanami:
Za kamplekt žanočaj pižamy ad «Śvitanka» treba budzie addać ad 33 rubloŭ, ceny na saročki pačynajucca ad 17 rubloŭ. Žanočyja majtki ad žodzinskaj fabryki možna nabyć nie mienš čym za 6 rubloŭ.
U vypadku z mužčynskaj bializnaj ceny na majtki pačynajucca ad 5 rubloŭ, samyja prostyja fufajki možna nabyć, naprykład, za 12 rubloŭ.
Brescki pančošny kambinat
Hety brend nie maje ŭłasnaha internet-mahazina, ale jaho pradukcyju možna nabyć praź inšyja anłajn-placoŭki — naprykład, na oz.by ci 21vek.by. Voś takija pryhožyja škarpetki možna nabyć za 5 rubloŭ:
A hety varyjant z kvietkami kaštuje na oz.by usiaho 3 rubli:
U afłajnavych mahazinach brenda možna taksama nabyć prostyja madeli bializny: mužčynskija majtki, a taksama fufajki i cišotki dla abodvuch pałoŭ.
«Kupalinka»
Jašče adna salihorskaja kampanija ŭ padborcy. U mahazinach «Kupalinki» jość žanočaje, mužčynskaje i dziciačaje adzieńnie, a taksama bializna ŭsich troch katehoryj.
Voś taki minimalistyčny džempier na vosień ad «Kupalinki», naprykład, moža abyścisia ŭ 27 rubloŭ:
A takaja mužčynskaja futbołka, miarkujučy pa katałohu internet-mahazina, abydziecca zaraz amal u 20 rubloŭ:
Ceny na žanočyja pižamy ŭ «Kupalincy» pačynajucca ad 13 rubloŭ, na mužčynskija — ad 32. Akramia pižam, brend prapanuje žančynam i načnyja saročki. Voś, naprykład, madeli pa 33 rubli:
Kali kazać pra štodzionnaje adzieńnie, jość u «Kupalincy», naprykład, žanočyja sukienki, i ceny na ich roźniacca ad 21 da 92 rubloŭ. Takaja madel kaštuje zaraz na sajcie kampanii 60 rubloŭ:
Što da dziciačaha adzieńnia, to ŭ «Kupalinki» majecca dobry vybar pižam i trykatažu, ź jakoha možna padabrać školnyja kamplekty. Hety džempier, naprykład, kaštuje 28 rubloŭ:
Narešcie, jość u «Kupalinki» i liniejka adzieńnia dla niemaŭlat, ceny pačynajucca ad 5 rubloŭ. Voś niekalki madelaŭ:
Aršanski lnokambinat («Biełaruski Lon»)
U internet-mahazinie lnokambinata z Oršy zaraz pradstaŭlenaja zbolšaha paścielnaja i stałovaja bializna, ale jość i niekalki aksiesuaraŭ nakštałt šalikaŭ i chustak.
Što datyčycca stałovych tavaraŭ, ceny na lnianyja abrusy startujuć ad 10 rubloŭ i dachodziać (u vypadku sa stałovymi abrusami) da 320 rubloŭ. Ilniany kuchonny fartuch možna nabyć jak minimum za 15 rubloŭ, ceny na nabory survetak roźniacca ad 21 da 35 rubloŭ.
Samy tanny kamplekt paścielnaj bializny na sajcie kampanii možna nabyć za 109 rubloŭ, samy darahi — za 348. Taksama «Biełaruski Lon» pradaje pakryvały (ad 53 rubloŭ), pledy (ad 47 rubloŭ) i parćjery (ad 32 rubloŭ), a taksama pradmiety paścielnaj bializny paasobku.
Narešcie, kambinat vyrablaje i lnianyja aksiesuary. Šaliki ad «Biełaruskaha Lonu» kaštujuć ad 12 rubloŭ, chustki — 20, pałanciny — ad 17, a sumki — ad 9.
Akramia vyšejpieraličanaha, u katałohu «Biełaruskaha Lonu» jość žanočaje (błuzy, štany, palito, spadnicy) i mužčynskaje adzieńnie (štany, pinžaki, kašuli i kamizelki). Ale ŭ internet-mahazinie kancerna hetyja tavary niedastupnyja.
«Naša Niva» — bastyjon biełaruščyny
PADTRYMAĆMinhandlu choča stvaryć handlovuju sietku z adnymi ajčynnymi tavarami
Z nastupnaha hoda školnaja forma stanie abaviazkovaj
Ci buduć adkryvać kramy łukašenkaŭskaha mierča pa ŭsioj krainie? Adkaz vas ździvić
Jak mučyli Cila Švajhiera i centry haradoŭ, kab stvaryć karcinku dla sudzimaha za machlarstva prateže Dźmitryja Baskava10
Kamientary