«Ceny źnizilisia, ale novych pastavak niama i nie čakajecca». Što adbyvajecca na rynku novych aŭto?

U dyleraŭ abrynulisia prodažy 

Pa źviestkach Biełaruskaj aŭtamabilnaj asacyjacyi, rynak novych lehkavych aŭto ŭ krainie ŭ vieraśni abrynuŭsia ŭ 10 razoŭ u paraŭnańni z anałahičnym pieryjadam minułaha hoda. Za pieršy miesiac vosieni aficyjnyja dylery realizavali tolki 374 aŭtamabili, što na 90,4 % mienš, čym u vieraśni 2021 hoda. Dla paraŭnańnia: letaś jany ŭ siarednim pradavali kala 3500 novych lehkavych aŭto štomiesiac.

Takaja situacyja ŭ pieršuju čarhu skłałasia praz toje, što ŭ bolšaści vypadkaŭ dyleram prosta niama čaho pradavać, pakolki novyja pastaŭki aŭto amal adsutničajuć.

Volkswagen

Tak, naprykaład, u VW całkam skončylisia novyja Polo, jakija tradycyjna karystalisia vialikim popytam u Biełarusi. Pastavak novych aŭto hetaj madeli niama i nie čakajecca — paviedamili ŭ aŭtacentry. Pryčyna prostaja — kancern zakryŭ zavod u RF, dzie vyrablałasia dadzienaja madel.

Pavialičyć

Ź lehkavikoŭ dasiažny tolki VW Passat u kuzavie siedan u kamplektacyi Business ź bienzinavym ruchavikom abjomam 1,4 litra na «aŭtamacie». Cana na Passat składaje 113 tysiač rubloŭ, što kala 45 500 dalaraŭ. Ale pryjści ŭ sałon i adrazu nabyć takoje aŭto nie atrymajecca. Achvotnym daviadziecca čakać 2-4 tydni, pakul aŭtamabil pryviazuć z Hiermanii. Vybirać daviadziecca z tych varyjantaŭ, jakija dyler užo zamoviŭ na zavodzie ŭ Jeŭropie.

Usiaho na try tysiačy tańniej pradajecca VW Taos. Za 110 tysiač rubloŭ možna nabyć adzin z kampaktnych parkietnikaŭ rasijskaj vytvorčaści. Vybirać daviadziecca z reštkaŭ, jakija jašče nie paśpieli raspradać. Novych pastavak Taos u Biełaruś nie budzie.

Papularnyja krasoviery VW Tiguan užo niedasiažnyja biełaruskim kupcam. Usie mašyny, jakija raniej dylery atrymali ad zavoda VW u RF, skončylisia. Adnak zastaŭsia jak minimum adzin VW Touareg.

KIA

Aŭtamabili marki KIA, jakija taksama ŭvachodzili ŭ top-5 samych pradavajemych u krainie, taksama ŭ deficycie. Samyja tannyja madeli z tych, što pradavalisia ŭ nas, KIA Rio i KIA Rio X užo skončylisia, pakolki apošnija pastaŭki byli ŭ krasaviku. 

Siarod aŭto ŭ najaŭnaści zastalisia tolki Sportage NQ5 pa cenach ad 162 900 rubloŭ (kala 65 500$) i jašče bolš darahaja Sorento, ceny na jakuju startujuć z adznaki ŭ 175 900 rubloŭ (kala 71 000$). Abiedźvie madeli raniej źbiralisia ŭ Kalininhradzie.

Pavialičyć

Aproč hetych dvuch madelaŭ, na sajcie pradaŭca ŭkazany ceny na KIA Seltos, ich prapanujuć pa cenach ad 83 900 rubloŭ (kala 34 000$). Adnak u najaŭnaści novych Seltos niama. Jość tolki dźvie mašyny, jakija praciahvajuć vykarystoŭvajuć dla test-drajvaŭ, bo dyler spadziajecca, što takija mašyny jašče źjaviacca ŭ prodažy. 

Renault

Dylery Renault taksama z bolšaha handluć reštkami, ale tym nie mienš u ich jašče zastalisia navat Logan Stapway. U zaležnaści ad kamplektacyi takija aŭto kaštujuć ad 47 700 da 52 400 rubloŭ (kala 19 200 — 21 100$).

Pavialičyć

Aproč Logan, u nievialikaj kolkaści jość Duster, Captur, Arkana i Koleos. Usie madeli aproč Koleos vyrablalisia na rasijskim zavodzie kancerna, tamu novych adhruzak nie budzie. Jak paviedamili ŭ sałonie, u ich jość mahčymaść dazamaŭlać tolki Koleos i mikraaŭtobus Master. Abiedźvie madeli impartujuć z Francyi. 

LADA

U LADA ŭ toj ci inšaj stupieni dasiažnyja aŭto ŭsiaho madelnaha šerahu. Samaja papularnaja LADA siarod biełarusaŭ, Vesta, ciapier pradajecca pa cenach ad 39 000 rubloŭ (kala 15 700$). Stolki prosiać za siedan biez štatnaj aŭdyjasistemy. Vesta SW Cross z AKPP kaštuje 67 260 ruloŭ (kala 27 100$).

Jak vyśvietliłasia, paśla pryniacca pastanovy, jakaja abmiažoŭvaje handlovyja nadbaŭki, ceny na mašyny krychu źnizilisia. Ale pradaŭcy čamuści nie akcentujuć na hetym uvahi i pra patanieńnie raspaviadajuć tolki paśla pramoha pytańnia.

Supracoŭniki adnaho z dylerskich centraŭ Renault-Lada śćviardžajuć, što mašyny ŭ ich u siarednim patańnieli na 10 tysiač rubloŭ. Kali paraŭnoŭvać ceny na prykładzie LADA Vesta, to my ŭbačym, što aŭtamabil patańnieŭ prykładna na 6 tysiač rubloŭ. Jašče ŭ siaredzinie vieraśnia ceny na Vesta pačynalisia z adznaki ŭ 45 900 (18 200$). Tym nie mienš, kali paraŭnoŭvać ich, naprykład, z 2018 hodam, to mašyny značna padaraželi. Tady Vesta pradavałasia pa cenach ad 19 610 da 26 500 rubloŭ ci kala 9400-12600 dalaraŭ pa tahačasnym kursie.

Mitsubishi & Nissan

Dylery Nissan i Mitsubishi nie majuć u prodažy novych aŭto. Patencyjnym klijentam prapanujuć tolki tyja mašyny, jakija raniej vykarystoŭvalisia dla testavych pajezdak. 

A što z Geely?

Biełaruska-kitajski BiełDžy, jak i raniej, prapanuje pakupnikam try madeli: Coolray, Atlas Pro i Tugella. Aŭto ŭ najaŭnaści niama, tamu žadajučym nabyć «ajčynny» aŭtamabil daviadziecca troški pačakać. Padrabiaźniej pra situacyju z cenami na Geely «Naša Niva» pisała raniej.

Pavialičyć

Ci źjavicca zamiena madelam, jakija syšli z rynku?

Vielizarny spad prodažaŭ novych aŭto dylerami jašče nie aznačaje, što aŭto niama. Prosta ciapier zamiest aficyjnych dyleraŭ ich usio čaściej pradajuć «šeryja» imparciory. 

Na rynku taksama zastajucca pradaŭcy aŭtamabilaŭ kitajskich brendaŭ.

Tak, naprykład, u Haval u najaŭnaści aŭtamabili piaci madelaŭ ź siami paznačanych na sajcie. Na biahučy momant niedasiažnyja tolki dva pikapy. Pa astatnich u najaŭnaści jość aŭtamabili roznych koleraŭ i kamplektacyj. Samy tanny z Haval kaštuje 78 400 rubloŭ, abo kala 31 500 dalaraŭ. Paśla ŭvodu abmiežavańniaŭ na hadlovyja nadbaŭki aŭtamabili Haval taksama patańnieli, ale jak i ŭ vypadku z Renault-LADA menedžar paviedamlaje pra heta tolki paśla taho, jak patencyjny pakupnik sam pacikavicca. Pa słovach śpiecyjalista, mašyny ŭ siarednim patańnieli na 10 tysiač rubloŭ.

Pavialičyć

Čatyry ź piaci pradstaŭlenych madelaŭ kitajskaha brenda vypuskajuć na zavodzie ŭ Rasii. 

Inšy kitajski brend JAC taksama aktyŭna pracuje na biełaruskim rynku, u kancy kastryčnika jany pradstavili lehkavy aŭtamabil JAC J7, ceny na liftbek pačynajucca z adznaki ŭ 27 tysiač dalaraŭ.

Čytajcie taksama: Jakija źmieny ŭ PDR pačali dziejničać z 27 kastryčnika 

«Schiema była vyhadnaj, kali lhotniki brali pa 300-500 dalaraŭ, a ciapier…» Jak aŭtapierahonny biznes pieražyvaje składanyja časy

Kiraŭnik Akademii navuk raspavioŭ, kolki budzie kaštavać pieršy biełaruski elektramabil 

• 4
• 0
• 7
• 5
• 2
• 2
• 3
• 0