«My — siamja»: Demi Mur rasčuliła kaladnymi zdymkami z chvorym na afaziju Brusam Uilisam
Chvory na afaziju amierykanski akcior Brus Uilis bavić pieradkaladny čas u kampanii ŭsioj siamji. Fatahrafijami kranalnaj atmaśfiery ŭ svaim instahramie padzialiłasia eks-žonka akciora Demi Mur.
«My — siamja. Nabirajemsia kaladnaha duchu», — napisała jana.
Jak viadoma, z-za chvaroby, jakaja moža vyklikać parušeńnie kahnityŭnych navykaŭ, u pryvatnaści, maŭleńnia i razumieńnia maŭleńnia, akcioru pryjšłosia spynić karjeru.
Ciapier ža niekatoryja ŚMI paviedamlajuć, što stan «mocnaha areška» ŭsio paharšajecca. Maŭlaŭ, chvaroba prahresuje, tamu siamja starajecca pravodzić ź im kožnuju chvilinu.
«Demi pastajanna ŭ kantakcie z Brusam i Emaj. Jana vykarystoŭvaje kožnuju mahčymaść pravieści čas ź im. Kali jana fizična nie pobač, to telefanuje, kab Brus čuŭ jaje hołas», — skazaŭ insajdar vydańniu Radar Online.
«Jany viedajuć, što jon nie budzie pobač viečna. Tamu vykarystoŭvajuć kožny momant… Byvajuć dni, kali prabliskvaje stan «staroha Brusa». Ale hetyja momanty zdarajucca niačasta. Vyhladaje tak, byccam jon vyślizhvaje ad ich i addalajecca. Heta raźbivaje im serca», — dadaŭ insajdar.
«Padlik hałasoŭ jak sataniscki rytuał». Były člen kamisii raskazaŭ, jak u Biełarusi falsifikujuć vybary8
Kamientary