Recept na vychadnyja. Bulba, faršyravanaja traskoj, — strava dla siamiejnaha abiedu
U hetym recepcie smak rybnaha piraha spałučajecca z vodaram zapiečanaj bulby. U vyniku atrymlivajecca sytnaja strava ź miakkaj teksturaj, jakoj nie soramna pačastavać baćkoŭ ci babulu ź dziadulem.
Fota: BBC Food
Kab zhatavać bulbu, faršyravanuju traskoj, vam spatrebicca:
- 4 vialikija bulbiny (kožnaja vahoj prykładna 225 hramaŭ)
- aliŭkavy alej
- 1 litr nieraźviedzienaha małaka
- 2 zubki časnaku (raściśnicie ich)
- 1 łaŭrovy list
- 300 hramaŭ file traski biez kostak i skury
- 3 stałovyja łyžki bujna narezanaj piatruški
- 55 hramaŭ ciortaha čedaru ci inšaha ćviordaha syru
- sol i mołaty čorny pierac
- dla padačy: 1 limon, narezany na dolki, i žmienia liścia kres-sałaty.
- Razahrejcie duchoŭku da 200 hradusaŭ. Dobra pamyjcie bulbu, absušycie jaje i niekalki razoŭ nakalicie videlcam. Nalicie na ruki trochi aliŭkavaha aleju i pratrycie bulbu. Vykładzicie jaje na blachu i vypiakajcie 50—60 chvilin da hatoŭnaści.
- Kab zrabić načynku, nalicie ŭ kastrulu małako, dadajcie časnok i łaŭrovy list, prypraŭcie sollu i piercam i daviadzicie da kipieńnia. Dadajcie trasku i varycie ŭsio na pavolnym ahni čatyry chviliny, potym źnimicie z ahniu. Dastańcie trasku šumoŭkaj i pakładzicie na talerku. Pieralicie małočnuju sumieś u zban.
- Trochi astudzicie bulbu, razrežcie jaje ŭzdoŭž napałovu. Dastańcie miakać i pakładzicie ŭ misku. Narežcie trasku i dadajcie jaje da miakaci bulby. Tudy ž dadajcie piatrušku i 150 mililitraŭ małočnaj sumiesi, pieramiašajcie. Kali sumieś zanadta ćviordaja, dadajcie jašče krychu małaka, ale nie dazvalajcie sumiesi stać zanadta miakkaj.
- Vykładzicie padrychtavanuju načynku nazad u bulbu i pasypcie źvierchu syram. Vykładzicie nafaršyravanyja bulbiny na blachu i vypiakajcie ich 25 chvilin, abo pakul jany nie stanuć załacistaha koleru.
- Padavajcie bulbu haračaj. Pierad padačaj trochi palicie jaje aliŭkavym alejem, pakładzicie la bulbiny dolku limona i trochi kres-sałaty.
Recept na vychadnyja. Bokści (boxty) — draniki, ale pa-irłandsku
Recept na vychadnyja. Bulba ź biekonam i miodam — lohkaja, sytnaja i takaja pryhožaja
Recept na vychadnyja. Kuryca pa-kadžunsku — kałarytnaja strava z aryhinalnym smakam
«Padlik hałasoŭ jak sataniscki rytuał». Były člen kamisii raskazaŭ, jak u Biełarusi falsifikujuć vybary8
Kamientary
tak bulbu kaniečnie rabiła - z h-rybami, a z rybami nie)
učora zapiekła bulbu razam ź nierasčlanionnaj kurkaj
siońnia razrezała henyja ̷b̷u̷ł̷k̷i̷(pše prašam) bulbiny
napchała tudy sudaka, časnyka, łaŭra i piatruški
a. i šče litr małaka zamianiła na łyžku śmiatany
bo moj tavaryš nie pieravarvaje małako ź dziacinstva
dyk
smačna