Elitny fitnes-kłub Čyža za miesiac patańnieŭ na 375 tysiač dalaraŭ
U studzieni za Evo wellness club prasili 13,3 młn biełaruskich rubloŭ. Novaja cana — krychu bolš za 12 młn. Hety premijalny azdaraŭlenčy abjekt, jaki pracuje ŭ Biełarusi ŭžo kala 10 hadoŭ, naležyć kampanii «Trajpł», piša Office Life.
U kancy minułaha hoda ŭładalnik Evo wellness club vyrašyŭ pradać jaho z aŭkcyjonu na placoŭcy ZAT «Biełrealizacyja».
Pieršyja tarhi byli pryznačanyja na 5 studzienia, a startavaja cana składała 13 348 000 rubloŭ. Ale pradać tady abjekt nie ŭdałosia.
Ciapier hety łot znoŭ źjaviŭsia na tarhach, ale ŭžo pa canie, jakaja bolš čym na miljon rubloŭ nižejšaja za papiaredniuju.
Evo wellness club raźmiaščajecca ŭ Minsku pa adrasie vuł. Maksima Bahdanoviča, 155. Heta vialiki kompleks płoščaj zvyš 4 tysiačy «kvadrataŭ» ź fitnes-centram, spa-zonaj, basiejnam, sałonam pryhažości, restaranam i inšymi ŭstanovami dla naviedvalnikaŭ i piersanału.
Minimalny košt kompleksu na biahučy momant aceńvajecca ŭłaśnikam u 10 678 400 biełaruskich rubloŭ (kala 4 młn dalaraŭ), choć pieršapačatkova cana była roŭnaja 12 młn rubloŭ.
Pavodle peŭnych źviestak, ustanova ŭžo niekalki hadoŭ stratnaja.
Čytajcie taksama:
Jak Čyž i jaho tajemny litoŭski partnior zarabili miljardy na chitraj naftavaj schiemie
Etnaviosku na radzimie Juryja Čyža pradajuć, ale brać pakul nichto nie choča
Kali Kanapackaja stała padkantrolnaja Łukašenku? Raskazvajuć jaje siabry8
Kamientary