Deficyt biudžetu Rasii skłaŭ 1,76 trłn rubloŭ za adzin studzień, dachody ad nafty i hazu ŭpali na 46%
Fiederalny biudžet Rasii ŭ studzieni, pavodle papiaredniaj acenki miascovaha Minfina, byŭ vykanany z deficytam 1,760 tryljona rubloŭ (kala 24 młrd dalaraŭ), a vydatki jaho vyraśli na 59%, da 3,117 tryljona rubloŭ (kala 44,3 młrd dalaraŭ), havorycca ŭ materyjałach na sajcie Ministerstva.
Abjom dachodaŭ, jakija pastupili ŭ biudžet, skłaŭ 1,356 tryljona rubloŭ (kala 19,3 młrd dalaraŭ), što na 35% nižej za anałahičny abjom u studzieni 2022 hoda.
Pry hetym naftahazavyja dachody skłali 426 miljardaŭ rubloŭ (kala 6 młrd dalaraŭ), što na 46% nižej za pakazčyki studzienia minułaha hoda. Jak adznačaje Ministerstva, heta źviazana «ŭ pieršuju čarhu sa źnižeńniem kacirovak cenaŭ nafty marki Urals i skaračeńniem abjomaŭ ekspartu pryrodnaha hazu».
Nienaftahazavyja dachody skłali 931 miljard rubloŭ (kala 13,3 młrd dalaraŭ) i źnizilisia da studzienia 2022 hoda na 28%, pieravažna za košt skaračeńnia pastupleńniaŭ unutranaha PDV i padatku na prybytak, havorycca ŭ materyjałach Ministerstva.
«Pavodle papiaredniaj acenki, abjom vydatkaŭ fiederalnaha biudžetu ŭ studzieni 2023 hoda skłaŭ 3 117 młrd rubloŭ, pieravysiŭšy pakazčyki anałahičnaha pieryjadu minułaha hoda na 59%», — adznačaje viedamstva.
Čytajcie taksama:
U Jeŭrasajuzie damovilisia ab uviadzieńni stoli cen na rasijskija naftapradukty
Rasija handluje naftaj u hihanckich maštabach, niahledziačy na sankcyi
ZŠA ŭhavaryli sajuźnikaŭ pakul nie rabić bolš strohimi naftavyja sankcyi suprać Rasii
Jak mučyli Cila Švajhiera i centry haradoŭ, kab stvaryć karcinku dla sudzimaha za machlarstva prateže Dźmitryja Baskava15
Kamientary