«Kali na Zachadzie buduć čuć dva hałasy, jany mohuć abrać damaŭlańnie z Łukašenkam, a nie cisk».
Pra vychad z Kaardynacyjnaj rady pradstaŭnik Abjadnanaha pierachodnaha kabinieta pa tranzicie ŭłady zajaviŭ u efiry «Jeŭraradyjo».
«Moj sychod źviazany nie piersanalna sa mnoj, a z padychodam, jaki moža ŭ kancy pryvieści da źmieny stratehii demakratyčnych sił Biełarusi», — patłumačyŭ Pavieł Łatuška.
— U žniŭni, kali adbyvaŭsia kanhres, byŭ kryzis demakratyčnych sił. U jakaści krokaŭ pa vychadzie ź jaho byŭ zrobleny sam kanhres, adkrytaja dyskusija, rašeńnie ab stvareńni Abjadnanaha pierachodnaha kabinieta. Kančatkovy elemient — stvareńnie KR. Ale, na žal, usio toje, što adbyvajecca ciapier, moža pryvieści da adnaŭleńnia kryzisu i pierachodu jaho na bolš vysoki ŭzrovień.
My nie pavinny pajści šlacham unutrypalityčnaj baraćby, heta nie cikava biełarusam. Mienavita takaja redakcyja prapanujecca rehłamientam KR. Faktyčna budziem hublać resurs i dla siabie rabić vyhlad, što viadziom baraćbu, ale nie ŭ tym kirunku, u jakim treba.
Praktyčna ŭ rehłamiencie płanujecca zakłaści miny, jakija buduć vybuchać pry ŭzajemadziejańni z palityčnymi instytutami ŭ našym hramadstvie.
My zmahli padniać cisk na režym Łukašenki na vysoki ŭzrovień, heta akreślivaje našu stratehiju, stratehiju cisku. A tut budzie pierachod ad cisku na toje, što nadyšoŭ čas damaŭlacca z Łukašenkam.
Kali ciapier na Zachadzie buduć čuć dva hałasy — Abjadnanaha pierachodnaha kabinieta i KR, jakaja budzie vystupać za źniaćcie sankcyj, dyjałoh z režymam, to heta pryviadzie da zamiašańnia ŭ hałavie mižnarodnych partnioraŭ, a taksama jany mohuć abrać damaŭlańnie z Łukašenkam. Ja ŭsio ž viedaju zachodnich palitykaŭ, jany da hetaha bolš schilnyja, — skazaŭ Pavieł Łatuška.
Kaardynacyjnaja rada była stvorana 20 žniŭnia 2020 hoda z metaj arhanizacyi pracesu pieraadoleńnia palityčnaha kryzisu i zabieśpiačeńnia zhody ŭ hramadstvie, a taksama dla abarony suvierenitetu i niezaležnaści Respubliki Biełaruś. Praz hod — u žniŭni 2021 hoda — byŭ uviedzieny instytut pradstaŭnictva pa vaśmi napramkach: biznes, kultura, sučasnyja technałohii, sport, hramadzianskaja supolnaść, Uschodniaje partniorstva, palityčnyja źniavolenyja i jurysprudencyja.
9 žniŭnia 2022 hoda na kanfierencyi «Novaja Biełaruś» u Vilni Kaardynacyjnaja rada pryniała rašeńnie ab rearhanizacyi svajoj dziejnaści.
Niadaŭna Kaardynacyjnaja rada apublikavała abnoŭleny skład. Nazvanyja imiony 53 čalcoŭ i 22 arhanizacyj. Usiaho ŭ składzie Rady 117 čalcoŭ.
Čytajcie taksama:
Viadomyja ludzi, noŭnejmy i 10 čałaviek, čyje imiony nie nazyvajucca. Chto ŭvajšoŭ u abnoŭlenuju Kaardynacyjnuju radu
«Vyznačyć efiektyŭnaść našaj dziejnaści składana». Kaardynacyjnaja rada vyrašała rearhanizavacca i vyraści da 115 čalcoŭ — dla čaho?
Kaardynacyjnaja rada voś užo piać miesiacaŭ «refarmujecca». Ale nasamreč joj bolš niama čaho rabić — mierkavańnie
«Navat jaho prychilniki zrazumieli, što žyć jak raniej užo nie atrymajecca». Biełarusy raskazali pra atmaśfieru ŭ krainie napiaredadni vybaraŭ8
Kamientary