Pačynajučy z 11-j hadziny ŭ vakolicach aeradroma «Mačuliščy» nazirajecca aktyŭnaść DAI i Unutranych vojskaŭ. Pavodle papiarednich źviestak, u niekalkich miescach vakoł aeradroma DAI spyniała mašyny i praviarała bahažniki i dakumienty kiroŭcaŭ, paviedamlaje na padstavie svaich krynic Anton Matolka.
Paźniej byŭ zaŭvažany ruch MAZaŭ Unutranych vojskaŭ da aeradroma.
Miascovyja žychary taksama paviedamlajuć, što ranicaj było čuvać niekalki hukaŭ, padobnych da vybuchi, adnak hetaja infarmacyja na hety momant nie paćvierdžanaja.
Padpisčyki kanała «Biełaruś za MKADam» paźniej paviedamili:
«U Mačuliščach byŭ nočču mocny vybuch i ranicaj 2 mienš mocnych. U bok aeradroma pajechaŭ Śledčy kamitet, stajać vajskoŭcy, aŭtamatčyki i chutkaja».
Jašče paźniej u telehram-kanale inicyjatyvy ByPol źjaviłasia paviedamleńnie, što pa infarmacyi, atrymanaj ad udzielnikaŭ płana «Pieramoha», u vyniku vybuchaŭ na aeradromie «Mačuliščy» paškodžanyja rasijski vajenna-transpartny samalot i śniehaŭboračnaja technika.
Kali vy viedajecie bolš, što zdaryłasia na aeradromie Mačuliščy, jakija vykarystoŭvajuć rasijskija vojski, pišycie redaktaru «Našaj Nivy» ŭ telehram, na [email protected] ci [email protected].
Albo pišycie asabista tym žurnalistam i redaktaram «Našaj Nivy», jakich vy viedajecie i jakim daviarajecie (lepš — u sihnał ci telehram).
«Padlik hałasoŭ jak sataniscki rytuał». Były člen kamisii raskazaŭ, jak u Biełarusi falsifikujuć vybary8
Kamientary