«Adlot A-50 daje efiekt «rassłajeńnia sihnału». Ci moža dyviersija z A-50 rastapić lod pamiž Kijevam i Ofisam Cichanoŭskaj?
Učora rasijski samalot A-50, napeŭna, palacieŭ na ramont u Rasiju. Ale nakolki jon byŭ paškodžany, pakul nie jasna. Ci daje dyviersija ŭ Mačuliščach šaniec na palapšeńnie adnosin pamiž ukrainskim kiraŭnictvam i Ofisam Cichanoŭskaj? «Naša Niva» spytałasia dyrektara ŭkrainskaha Instytuta suśvietnaj palityki Jaŭhien Mahda i palityčny ahladalnik «Radyjo Svaboda» Juryj Drakachrust.
Situacyja vakoł samalota A-50 ciapier nieadnaznačnaja, zaŭvažaje Jaŭhien Mahda.
«Zajava spadara Azarava, što heta sprava ruk biełaruskich partyzan, usprymałasia dosyć adnaznačna: paśpiachovaja ataka biełaruskaha padpolla, samalot vyviedzieny sa stroju. Ale siońnia my ŭbačyli, što jon padniaŭsia ŭ pavietra i pakinuŭ terytoryju Biełarusi. Heta taksama, jak ja razumieju, vialiki pazityŭ, bo adpraviŭsia jon dla vypraŭleńnia paškodžańniaŭ na avijaramontny zavod.
Ale skłałasia situacyja, u jakoj nie bačna adnaznačnaści pośpiechu: sam fakt adlotu samalota vyklikaje roznahałośsi ŭ infarmacyjnaj prastory i efiekt «rassłajeńnia sihnału». A tak jak ukrainskaja ŭłada nie haryć žadańniem razmaŭlać z Ofisam Śviatłany Cichanoŭskaj, to jana vykarystaje hety adlot A-50 dla paćviardžeńnia svajoj pazicyi: ci ŭ vas niešta atrymałasia, ci nie atrymałasia», — miarkuje ekśpiert.
Paŭstaje pytańnie: a ci byŭ šaniec na paciapleńnie hetych adnosin u pryncypie? Redaktar jeŭrapiejskaha biuro «Radyjo Svaboda» Rykard Joźviak śćviardžaŭ, što Ukraina adyhrała važnuju rolu ŭ tym, što ES nie ŭvodziŭ sankcyi suprać Minska ŭ apošnija miesiacy.
«Nie tolki Ukraina moža ŭpłyvać na Jeŭrapiejski sajuz pa pytańni sankcyj da Biełarusi. Darečy, pra heta kaža i sam Joźviak u intervju. Ukraina nie źjaŭlajecca siabram Jeŭrapiejskaha sajuza, ale jość dziaržavy — čalcy ES, jakija taksama zacikaŭlenyja ŭ biełaruskim eksparcie kalijnych uhnajeńniaŭ. I ŭ tym niama ničoha dziŭnaha, bo ŭ mnohich dziaržaŭ jość svaje nacyjanalnyja intaresy, achviaravać jakimi dziela roskvitu Ukrainy ci taho, kab zahnać Biełaruś u hłuchi vuhał, nichto nie stanie», — padkreśliŭ ukrainski analityk.
Na jaho dumku, u intaresach Ukrainy vieści pieramovy z usimi ŭdzielnikami biełaruskaha demakratyčnaha pracesu (budzie heta Ofis ci połk Kalinoŭskaha), a Łukašenku papiaredzić, što biznesu bolej nie budzie.
«Zonaj vyklučna jaho adkaznaści stanie rašeńnie: kidać ci nie biełaruskich vajskoŭcaŭ u topku vajny va Ukrainie. Ale pakul hetaha nie adbyłosia, pakul Biełaruś nie stała ŭdzielnicaj poŭnamaštabnaha ŭvarvańnia Rasii, u nas jość šaniec na dyjałoh. Ale ŭ hetym dyjałohu nie pavinien być bačny navat končyk vusa Łukašenki», — kaža Jaŭhien Mahda.
«Što zmoža prapanavać Cichanoŭskaja, kali Zialenski sustreniecca ź joj?»
Palityčny ahladalnik Juryj Drakachrust ličyć, što palapšeńnie adnosin pamiž aficyjnym Kijevam i Ofisam Cichanoŭskaj chutčej niemahčyma, čym vierahodna.
«Kali biełaruskaje vojska ŭstupić u vajnu, tady mahčyma ŭsio — ažno da pryznańnia biełaruskaha ŭrada ŭ vyhnańni. U takim vypadku Ukraina ničoha nie hublaje.
Tady, kaniečnie, mahčymy lubyja kambinacyi, u tym liku i z udziełam pałka Kalinoŭskaha — my zaraz nazirajem «zalacańni» da hetaj struktury. Ale ja nie vyklučaju, što tady ŭzrovień kantaktaŭ z Ofisam Cichanoŭskaj, ź Pierachodnym kabinietam stanie vyšejšym», — kaža analityk.
Adnak pakul ukrainskija ŭłady trymajucca na dystancyi ad Ofisa Cichanoŭskaj.
«Hruba kažučy, ukrainskaje kiraŭnictva aścierahajecca, što kali jano sustreniecca ź Cichanoŭskaj, Łukašenka razzłujecca i pašle vojski. A što zmoža prapanavać Cichanoŭskaja, kali Zialenski sustreniecca ź joj?»
Juryj Drakachrust miarkuje, što z nastupleńniem viasny pahroza adkryćcia «biełaruskaha frontu» adciahvajecca ŭ časie, tamu Kijeŭ nie zrobić nivodnaha nieaściarožnaha kroku.
«Imaviernaść adkryćcia druhoha, biełaruskaha, frontu adkładvajecca, prynamsi, da leta, a moža — i da vosieni. Pierad vajnoj kamandujučy USU Valeryj Załužny pisaŭ, što ŭ lutym mahčymy nastup ź Biełarusi. Luty prajšoŭ, nastupu niama. Dyk navošta tady ŭkraincam padšturchoŭvać Łukašenku da ŭdziełu ŭ vajnie? Arastovič, naprykład, prama havoryć: Zialenski sustreniecca ź Cichanoŭskaj, a Łukašenka pašle vojski. I kamu ad hetaha budzie dobra? Ukraincam nie budzie».
«Naša Niva» — bastyjon biełaruščyny
PADTRYMAĆKubrakoŭ davodziŭ, što milicyjant Zhirski nie datyčny da bandy nalotčykaŭ. Ciapier taho sudziać — pahražaje da 20 hadoŭ3
Kamientary
2. Chopić razhledžvać Cichanoŭskuju jak łukašenka 2.0. Jana ŭsiaho situaciŭnaja lidarka, a nie prarok Maisiej biełaruskaha naroda. Sieńnia jana, zaŭra budzie chtości inšy. Ułady Ukrainy musiać razumieć što admaŭlajučysia pryznavać vybar (chacia b i pratestny) naroda, jany admaŭlajuć pryznavać vialikuju kolkaść demakratyčnych ludziej jakija zyčać im pieramohi i dapamahajuć Ukrainie jak mohuć.
3. Chopić užo nieści łuchtu ‘'chto što kamu moža dać, dzie vašyja tanki, pryhanicie nam 100 000 čałaviek u vojska''. Prabačcie, ale heta dziciačyja razvažańni. Tady spynicie hnać chacia b na Uhorščynu, jakaja taksama rupicca svaimi intaresami. A biełarusam treba ŭ takim razie zadumacca, što Ukraina moža nam dać, bo pakul jana tolki zabiraje
A OP vyhodno viesti biźnies s chuntoj, čto oni diełajut i siejčas, maskiruja eto łožju - «nie provocirovať».
Nado pieriestať smotrieť na vłasť Ukrainy i naučiťsia razdielať OP i narod, VSU.