Biełarusa, zatrymanaha ŭ Słavakii, pastanavili vyzvalić z zakrytaha łahiera dla inšaziemcaŭ
Administracyjny sud u Košyce (Słavakija) pastanaviŭ vyzvalić z «Centra ŭtrymańnia inšaziemcaŭ» biełarusa Dźmitryja Łukomskaha 25 listapada. Raniej jon znachodziŭsia ŭ adkrytym łahiery i prasiŭ prytułku ŭ Słavakii, ale 18 kastryčnika Łukomskaha tam zatrymała palicyja, piša «Radyjo Svaboda».
U 2020 hodzie žychar Homiela Dźmitryj Łukomski nieadnarazova traplaŭ u izalatar časovaha ŭtrymańnia z palityčnych pryčyn. Paśla jon źjechaŭ ź Biełarusi i žyŭ va Ukrainie.
U 2024 hodzie vyrašyŭ pierajechać u Słavakiju. Tam razam sa svajoj siabroŭkaj Vijaletaj Majšuk jany padali zajavu na prytułak. Paru ŭtrymlivali ŭ adkrytym łahiery. Dźmitryj byŭ niezadavoleny ŭmovami ŭ łahiery — charčavańniem, režymam, abmiežavańniami — i pisaŭ skarhi. Urešcie 18 kastryčnika jaho zatrymała palicyja i źmiaściła ŭ «Centr utrymańnia inšaziemcaŭ».
Biełarus paličyŭ takuju mieru nieabhruntavanaj i praź jurystku padaŭ skarhu ŭ sud.
«Pa sutnaści, heta toj ža biełaruski izalatar časovaha ŭtrymańnia — usiudy chodziš pad kanvojem, niama prava ničoha mieć svajho, navat ručki. Adzieńnie zabrali, ja ledź vybiŭ častku nazad, ale kurtku tak i nie addali, byŭ vymušany chadzić na prahułki biez kurtki, u tapkach», — raskazaŭ Dźmitryj Łukomski.
Pavodle słoŭ Łukomskaha, sud pastanaviŭ vyzvalić jaho z «Centra ŭtrymańnia inšaziemcaŭ» zakrytaha typu. Dźmitryj paviedamiŭ, što sud staŭ na jahony bok i pryznaŭ, što dziejańni palicyi pa jaho źmiaščeńni ŭ Centr byli praźmiernymi, a ŭ jaho pavodzinach u adkrytym łahiery nie było nijakich pravaparušeńniaŭ abo złačynstvaŭ.
«Sud pastanaviŭ, što palicyja niepravamierna praciahnuła mnie termin utrymańnia ŭ Centry jašče na try miesiacy — da lutaha», — dadaŭ biełarus.
Łukomski adznačaje, što z-pad varty jaho pakul nie adpuścili. Pavodle pracedury, na pierasyłku piśmovaj pastanovy suda ŭ Centr advodzicca da 7 dzion. Kali heta adbudziecca, Dźmitryja pieraviaduć nazad u adkryty łahier, dzie jon budzie čakać rašeńnia pa atrymańni abarony. Kali ž palicyja abskardzić pastanovu suda, to sprava moža zaciahnucca, i ŭvieś hety čas biełarusu daviadziecca znachodzicca ŭ zakrytym łahiery.
Kubrakoŭ davodziŭ, što milicyjant Zhirski nie datyčny da bandy nalotčykaŭ. Ciapier taho sudziać — pahražaje da 20 hadoŭ3
Kamientary
Hetuju Śviatuju Vialikuju Litvu baranili našyja pradziedy - vajary , i šlachcičy , i sialanie , i miaščanie .
Pazirajuć jany na biełarusaú i ślozy biazsilla ú ichnych vačoch .
Kaho jany bačać ?!
Zdradnikaú i bajaźliúcaú , jakija paraźbiahalisia pa Śviecie i prosiać ú vorahaú chleba .
Hańba , spadarstva .