Usie svaje na čale ź niaviestkaj Łukašenki. U Biełarusi nazvali najlepšuju pieśniu 2022 hoda
Najlepšaj pieśniaj 2022 hoda Biełarusi žury pryznačyła pieśniu Valeryja Šmata i Hanny Siałuk «Za nami praŭda», paviedamlaje BIEŁTA sa spasyłkaj na pres-słužbu Ministerstva kultury.
Arhanizataram finału respublikanskaha konkursu «Pieśnia hoda Biełarusi» stali Ministerstva kultury i telekanał ANT.
U naminacyi «Vykanaŭca hoda» pieramohu atrymała Viktoryja Aleška, u naminacyi «Najlepšy radyjovykanaŭca» — Ivan Zdaniuk. «Adkryćciom hoda» staŭ Mikita Bialko. Najlepšym hurtom hoda pryznanaja «Aura», najlepšym duetam — Tea i Volha Ryžykava.
Najlepšym aŭtaram muzyki staŭ Valeryj Šmat, najlepšym aŭtaram słoŭ — Hanna Siałuk (heta tvorčy psieŭdanim Hanny Siarhiejeŭny Łukašenka — niaviestki Alaksandra Łukašenki).
Śpiecyjalnuju ŭznaharodu «Za ŭkład u raźvićcio estradnaj papularnaj muzyki» ŭłady dali Vasilu Rainčyku. Taksama byli ŭručanyja śpiecyjalnyja ŭznaharody telekanała ANT: «Za viernaść biełaruskaj estradzie» — Rusłanu Alachno i «Za ŭkład u raźvićcio muzyčnaj industryi» — Alehu Šaŭmaravu.
Śpiecyjalnuju ŭznaharodu Ministerstva kultury «Za vydatnyja dasiahnieńni ŭ halinie biełaruskaj papularnaj muzyki» dali Jaŭhienu Alejniku.
«Padlik hałasoŭ jak sataniscki rytuał». Były člen kamisii raskazaŭ, jak u Biełarusi falsifikujuć vybary8
Kamientary