Navat «karčy» padaraželi na 20-30%. Jak pa nazirańniach pradaŭcoŭ źmianilisia ceny na staryja aŭtamabili
Vajna va Ukrainie vielmi mocna paŭpłyvała na aŭtamabilny rynak Biełarusi, adčuvalnyja źmieny ŭ canie adbylisia navat u siehmiencie tannych aŭto.
«Narodnyja» aŭtamabili prybavili ŭ canie minimum pa 1000-1500 dałariaŭ
Praz saŭdzieł Biełarusi ŭ vajnie naš aŭtamabilny rynak pieražyvaje niaprostyja časy. Sankcyi i sychod šerahu suśvietnych aŭtavytrvorcaŭ z Rasii pryviali da taho, što bolšaść biełaruskich aŭtadyleraŭ stracili mahčymaść papaŭniać składy. Praz heta ceny na składskija reštki pajšli ŭhoru. Zamiest suśvietnych marak u Biełaruś pačynaje prychodzić usio bolš brendaŭ z Kitaja. Praz sankcyi i razbureńnie łahistyčnych łancužkoŭ mocna vyraśli vydatki na dastaŭku aŭto ź Jeŭropy i ZŠA. Uśled za novymi i śvieža pryviezienymi aŭto, vyraśli ceny i na patrymanyja mašyny.
Surazmoŭca ź liku pierakupaŭ, jaki zajmajecca «narodnymi» aŭtamabilami, kaža, što za apošni hod navat 15-20-hadovyja aŭto dadali ŭ canie nie mienš, čym pa 20%.
«U nas, jak i raniej, dobrym popytam karystajucca aŭtamabili za 5-8 tysiač dalaraŭ. Audi, VW pieršaj pałovy «nulavych», miniveny jeŭrapiejskaj vytvorčaści. Dyk voś takija «narodnyja» aŭtamabili za hod prybavili ŭ canie minimum pa 1000-1500 dałariaŭ», — kaža surazmoŭca.
Pry hetym mužčyna adznačaje, što praz salidny ŭzrost takich ekzemplaraŭ, znajści niešta ŭ bolš-mienš hodnym stanie z kožnym hodam usio składaniej. Tamu «žyvyja» mašyny pradajucca chutka i pa canie vyšejšaj za siaredniuju pa rynku.
«U Biełarusi ŭvohule nazirajecca takaja tendencyja, što kali aŭtamabil dasiahaje cany ŭ 5-6 tysiač dalaraŭ, to jon amal pierastaje tańnieć. Heta taki biełaruski fienomien, kali aŭtamabili, jak vino — z hadami daražejuć», — iranizuje mužčyna.
Surazmoŭca dadaje, što viedaje prykłady, kali čałaviek, jaki pryhaniaŭ ź Jeŭropy aŭtamabil u 2010-2011 hodzie (pierad padniaćciom pošlin da ŭzroŭniu rasijskich), siońnia moža pradać jaho amal za tyja samyja hrošy, što mašyna abyšłasia jamu bolš za 10 hadoŭ tamu.
«Ciapier rost cen amal prypyniŭsia, a voś letaś litaralna za 2-3 miesiacy cana mahła istotna padraści. Byvała tak, što kuplaješ aŭtamabil paśla DTZ, pačynaješ šukać zapčastki, ramantavać, raźličvaješ, što paśla adnaŭleńnia atrymajecca pradać maksimum za 7 tysiač.
A pakul mašyna ramantavałasia, cana vyrastała da 7,5-8 tysiač».
Situacyja syhrała na ruku tym, chto paśpieŭ nabyć mašynu pa staroj canie
Ułaśnik aŭtakamisa, ź jakim udałosia parazmaŭlać, taksama padćviardžaje, što za apošni hod ceny vyraśli na aŭtamabili va ŭsich cenavych siehmientach.
«Kaniešnie, bolš za ŭsio padaraželi novyja mašyny ŭ sałonach. Praz adsutnaść novych pastavak dylery vielmi mocna padniali ceny na reštki tavaru. Heta syhrała na ruku tym, chto nabyvaŭ novuju mašynu hod-dva tamu. U takich ludziej paśla niekalkich hadoŭ ekspłuatacyi źjaviłasia mahčymaść pradać mašynu pryblizna pa toj ža canie, što jany kuplali jaje novaj.
U narmalnyja časy takoha nie byvaje, bo novyja aŭtamabili ŭ pieršyja 3-5 hod vielmi mocna hublajuć u canie. Ale pakolki novyja značna padaraželi, to ludzi stali hatovyja kuplać 1-2-hadovyja aŭto pa tych samych cenach, što jany pradavalisia, kali byli novymi», — kaža biznesmien.
Pačali čaściej pryvozić uzrostavyja aŭto ź Jeŭropy
Čałaviek, jaki zajmajecca pryhonam aŭto ź Jeŭropy, adznačaje cikavuju tendencyju.
«Raniej ź Jeŭropy da nas u 95% vypadkaŭ pryhaniali aŭtamabili va ŭzrostie da 5 hadoŭ, bo pryvozić bolš uzrostavyja było nie asabliva vyhadna praz pavyšanyja mytnyja staŭki na aŭto, starejšyja za 5 hadoŭ», — kaža pierahonščyk.
Pa słovach biznesmiena, letaś situacyja kardynalna źmianiłasia i ŭ jaho pačało źjaŭlacca niamała zamoŭ na pryhon aŭto nie tolki starejšych za 5, a navat za 10 hadoŭ. Mužčyna źviazvaje heta z rostam cen na ŭnutranym rynku.
«Niedzie ad pačatku leta ŭ Biełaruś masava pačali pryjazdžać pa aŭtamabili rasijanie. Rynak chutka adreahavaŭ na ŭzrosły popyt, i ceny pačali raści. U vyniku niekatoryja mašyny ŭ biudžecie da 10 tysiač prybavili ŭ canie 1500-2000 dalaraŭ. Navat niekatoryja «karčy», jakija jašče hod tamu za 2000 nikomu byli nie patrebnyja, siońnia vystaŭlajuć pa 3 tysiačy, i kali aŭtamabil u bolš-mienš hodnym stanie, to jaho zabiaruć, bo ludziam treba na čymści jeździć».
Čytacie taksama:
Litvy ŭ Biełaruś vyvoziać rekordnuju kolkaść aŭto. Ale ŭ našaj krainie jany nie zatrymlivajucca
Aŭtamabilny rynak Biełarusi abvaliŭsia na 63,2%, rastuć tolki elektramabili
Ci zdaść Tramp Ukrainu Rasii? Čamu demakraty razhromlenyja? Da čaho pryviadzie kantrol respublikancaŭ nad vykanaŭčaj i zakanadaŭčaj uładaj adnačasova?22
Kamientary