U Biełarusi stali vyjaŭlać bolš falšyvych dalaraŭ, ale mienš jeŭra. Padrablajuć navat maniety
Bolš za 84% z usich vyjaŭlenych u Biełarusi falšyvych hrošaj u minułym hodzie skłali dalary, vynikaje sa statystyki Nacbanka.
«Bankaŭskimi rabotnikami byli vyjaŭlenyja 894 padroblenyja hrašovyja znaki, ź jakich 891 — banknoty, 3 — maniety», — havorycca ŭ ahladzie rehulatara. Try maniety, zhadanyja Nacbankam, — heta naminały 2 jeŭra.
Samaja papularnaja banknota ŭ falšyvamanietčykaŭ — 100 dalaraŭ. Takich vyjaŭlena 582 štuki (u 2021-m było 293).
Niekatoryja amierykanskija banknoty byli častkovymi padrobkami. Heta aznačaje, što hrašovyja znaki pieršapačatkova sapraŭdnyja, ale, da prykładu, z 10 dalaraŭ robiać 100.
Razam z tym na fonie rostu kolkaści falšyvych dalaraŭ banki stali vyjaŭlać mienš padroblenych jeŭra i rasijskich rubloŭ. Apošnich u 2021 hodzie było 294, a ŭ minułym — tolki 76. Heta moža być uskosnym śviedčańniem źnižeńnia abarotu najaŭnaj rasijskaj valuty ŭ abmieńnikach na fonie niavyhadnych kursaŭ.
Asnoŭnaja dola padrobak rasijskich rubloŭ, jak i raniej, — heta kupiury ŭ piać tysiač rubloŭ (60,5%).
Što tyčycca jeŭra, to vyjaŭlalisia padrobki banknot usich naminałaŭ, akramia 5. Samyja papularnyja — 50 i 100 jeŭra (40%). Usiaho ŭ 2021 hodzie vyjavili 69 falšyvych kupiur, a ŭ minułym — 50.
Falšyvych biełaruskich rubloŭ stała bolš. U 2021 hodzie było vyjaŭlena piać padrobak, a ŭ 2022-m — užo 12 štuk. Čaściej za ŭsio ŭ minułym hodzie sustrakalisia banknoty ŭ 50 rubloŭ. Mnohija padrobki, kali kazać pra ŭsie valuty, vykananyja z vykarystańniem palihrafičnych technałohij, ale jość i takija vypadki, kali byŭ vykarystany pryntar.
Minski falšyvamanietčyk vydavaŭ sierbskija dynary i zimbabvijskija dalary za jeŭra FOTY
Biełarusam pry kuplańni stali čaściej naviazvać dadatkovyja pasłuhi
Dziaržkantrol prypyniŭ pracu minskaj sietki kram nizkich cen
Minčanka pakinuła stanoŭčy vodhuk na sumku — i raptam vykryła zdradu čužoha muža19
Kamientary