«Nikoli nie bačyŭ ich takimi chudymi». Redkich bykoŭ z adrezanych pavodkaj astraŭkoŭ pad Turavam tak pakul i nie vyvieźli
Vydańnie Tochka.by pacikaviłasia ŭ žychara vioski Pahost Žytkavickaha rajona, jak źmianiłasia za tydzień situacyja z redkimi turapadobnymi bykami, jakija akazalisia adrezanyja pavodkaj ad «vialikaj ziamli» i ryzykujuć pamierci ad hoładu. Vyśvietliłasia, što pakul što asabliva chvalicca niama čym.
Infarmatar paviedamiŭ, što na hetym tydni sapraŭdy było prykmietnaje peŭnaje ažyŭleńnie. Pa-pieršaje, niekudy vyvieźli tušy miortvych žyvioł. Ale evakujavać z astraŭkoŭ žyvych bykoŭ, jak jon kaža, nierealna. Bo vady jašče zanadta šmat, i pry sprobie pierabracca ŭpłaŭ byki, chutčej za ŭsio, patonuć.
Na asobnych učastkach sušy jość siena, i žyvioł chtości kormić. Ale vyhlad žyvych bykoŭ nie vielmi prezientabielny. Žychar Pahosta havoryć, što nikoli nie bačyŭ hetych žyvioł takimi chudymi.
Datelefanavacca da Žytkavickaha rajvykankama hetym razam nie atrymałasia. Surazmoviec spačatku spasłaŭsia na zaniataść, a zatym pierastaŭ adkazvać na zvanki.
Raniej u rajvykankamie kazali, što vada, maŭlaŭ, spadaje i ŭ paniadziełak (10 krasavika) možna budzie pierapravić žyviołu ŭpłaŭ, pahruziŭšy ŭ łodki cialat, za jakimi, pa zadumcy, mahli b pajści darosłyja asobiny. Ale, miarkujučy pa ŭsim, abjom vady i słaby fizičny stan bykoŭ nie dazvolili heta zrabić.
Turapadobnyja byki źjavilisia na Turaŭščynie ŭ sakaviku 2020 hoda ŭ ramkach mižnarodnaha prajekta PRAAN/HEF «Vietłands» pa adnaŭleńni bijaraznastajnaści pojmiennych łuhoŭ Prypiaci. Tady 15 asobin hetaj žyvioliny pieravieźli siudy z łatvijskaha nacyjanalnaha parku «Kiemiery».
Akramia niepasredna razmnažeńnia, u «zadaču» žyvioł uvachodziła pajadańnie vysokaj travy i maładych parastkaŭ vierbałozu, jakimi pavolna zarastajuć pojmiennyja łuhi.
Chto taja žančyna, jakuju Marzaluk u efiry BT abazvaŭ «švallu z Hrodna», i što jana piša ŭ čatach? Raskazvajem pra doktarku Stefanovič28
Kamientary