«Achova zdaroŭja ŭ Biełarusi biaspłatnaja». Pratasievič asprečvaje ŭ sudzie pamier škody i toje, što byŭ kiraŭnikom ekstremisckich arhanizacyj
Raman Pratasievič 19 krasavika daŭ pakazańni nakont vystaŭlenaha jamu raniej novaha abvinavačańnia. Svaju vinu pa novym abvinavačańni jon pryznaŭ tolki častkova, pieradaje Sputnik.
Pratasievič zajaviŭ, što nie pryznaje ŭ poŭnym abjomie pazoŭ u pamiery 30 miljonaŭ rubloŭ.
Pavodle jaho, jon nie pryznaje sumu naniesienaj škody ŭ pamiery kala 25 miljonaŭ rubloŭ, jakaja pajšła na apłatu supracoŭnikam MUS, MNS, Ministerstva achovy zdaroŭja.
«Tuju častku, jakaja tyčycca ŭzmocnienaha niasieńnia słužby MUS i MNS, ja nie pryznaju», — skazaŭ Pratasievič. Jon častkova pryznaŭ škodu, naniesienuju Mintransu — z-za błakiroŭki transpartu.
«Asabista ja nie liču, što zarabotnyja płaty za niaŭročny čas pracy (supracoŭnikaŭ MUS i MNS) zjaŭlajucca škodaj. Mahu pryniać i padtrymać sumu realnaj škody, što tyčycca Mintransa, i toje častkova», — skazaŭ Pratasievič, dadaŭšy, što suma ŭ 30 młn rubloŭ «niekalki zavyšana».
Jon taksama zajaviŭ, što nie pryznaje sumu škody, paličanuju dla vypłaty Ministerstvu achovy zdaroŭja. Svaju pazicyju jon matyvavaŭ tym, što «achova zdaroŭja ŭ Biełarusi biaspłatnaja».
Raniej Pratasievič pryznaŭ u poŭnym abjomie tyja sastavy złačynstvaŭ, jakija stavilisia jamu pieršapačatkova, siarod ich — zakliki da zachopu ŭłady, raspalvańnie sacyjalnaj varožaści i varažniečy, abraza vyšejšych słužbovych asob — usiaho kala vaśmi artykułaŭ.
Jon zajaviŭ, što zhodny z vystaŭlenym jamu abvinavačańniem u tym, što ŭdzielničaŭ u złačynstvie ŭ składzie hrupy, ale nie zhodny z tym, što byŭ kiraŭnikom NEXTA i «Biełarusi hałaŭnoha mozhu» (jany pryznany biełaruskimi ŭładami ekstremisckimi farmiravańniami).
«Ja nie pryznaju abvinavačańnie ŭ tym, što byŭ kiraŭnikom ekstremisckich farmiravańniaŭ, jany takimi byli pryznany našmat paźniej, kali ja vyjšaŭ ź ich składu», — skazaŭ jon.
«Kiraŭnikom sietki NEXTA zaŭsiody byŭ Ściapan Puciła, i hety miedyjabiźnies naležyć jamu. Niejki čas ja adkazvaŭ za peŭny ŭčastak pracy, ale nie bolš», — patłumačyŭ sudu Pratasievič.
Jon taksama vykazaŭsia nakont toj častki novaha abvinavačańnia, jakoje tyčyłasia «BHM».
«Biełaruśsiu hałaŭnoha mozhu» farmalna kiravaŭ dva ci try miesiacy, kanał padkantrolny štabu Cichanoŭskaj, jaho zaŭsiody kantralavaŭ Franak Viačorka. Ja adkazvaŭ za asobny ŭčastak času. Ja nie byŭ kiraŭnikom jak u adnym, tak i ŭ druhim vypadku», — skazaŭ Pratasievič padčas dopytu.
Jon taksama zajaviŭ, što sam asabista nikoli nie vykładvaŭ u telehram-kanałach danyja dziaciej i supracoŭnikaŭ pravaachoŭnych orhanaŭ.
Pratasieviču pahražaje da 12 hadoŭ pazbaŭleńnia voli.
21 krasavika prakuror zaprosić jamu termin.
Prapahandysty spytali ŭ Pratasieviča, ci viarnuŭsia b jon u Biełaruś, «kali b ciapier byŭ biehłym za miažoj»
Raman Pratasievič sprahnazavaŭ, kali skončycca sud nad im
Pratasievič prakamientavaŭ mahčymuju ekstradycyju ŭ Rasiju Safii Sapiehi
«Maršruty abmiarkoŭvalisia z Palčysam, a žanočymi maršami zajmałasia Kaściuhova». Pratasievič daŭ pakazańni ŭ sudzie
Pratasieviču, Puciłu i Rudziku inkryminujecca nie mienš za 1586 złačynstvaŭ
Restaŭracyi ŭ Biełarusi zastałosia na try dni. Hałoŭnamu pradpryjemstvu krainy faktyčna padpisali śmiarotny prysud1
Kamientary