Zrabić tefteli vielmi prosta, bo jany hatujucca z faršu. A raznastaić ich možna «šubaj» z syru. Dla hetaj stravy nie spatrebicca stajać la haračaj patelni ci doŭha niešta varyć — vy prosta kładziacie ŭsio ŭ formu dla zapiakańnia, stavicie ŭ duchoŭku i čakajecie, pakul jana zrobić svaju pracu. Budźcie ŭpeŭnienyja: chutka heta strava stanie chitovaj u vašym mieniu.
Fota: eatwell101.com
Kab pryhatavać tefteli pad syram, vam spatrebicca:
- 600 h miasnoha faršu
- sol
- pierac
- 3 zubčyki časnaku
- 5 bulbin siaredniaha pamieru
- 2 cybuliny
- 150 h ciortaha syru
- 50 h majanezu
- 2 st. łyžki aleju
- forma dla zapiakańnia (u pryviedzienym vypadku vykarystoŭvałasia dyjamietram 26 sm)
- piatruška (dla ŭpryhožvańnia)
Jak hatavać:
- Pakładzicie ŭ misku 600 h faršu.
- Parežcie 3 zubčyki časnaku i dadajcie ich da miasa, potym dadajcie sol i pierac, pieramiašajcie.
- Abiarycie 5 siarednich bulbin i patrycie na drobnaj tarcy. Možna trochi pasalić bulbu, kali vy lubicie bolš salonyja stravy.
- 150 h syru patrycie na bujnoj tarcy (na jakoj zvyčajna truć burak).
- Pačyścicie i narežcie paŭkołami 2 siarednija cybuliny.
- Na dno formy nalicie niekalki łyžak aleju. Narezanuju cybulu raŭnamierna raźmiarkujcie pa dnie formy dla zapiakańnia.
- Ź miasa sfarmujcie 8 teftelaŭ i vykładzicie ich u formu dla zapiakańnia nad narezanaj cybulaj.
- Na zroblenyja tefteli vykładzicie naciortuju bulbu (raŭnamierna na kožnuju teftelku).
- Na bulbu — syr.
- Na syr — kala 50 h majanezu.
- Razahrejcie duchoŭku da 180 hradusaŭ i adpraŭcie zapiakacca na 50 chvilin.
- Hatovuju stravu možna pasypać pasiečanaj piatruškaj (pa žadańni).
Vam taksama mohuć spadabacca:
Sałata z buraka i syru fieta — idealny bałans sałodkaha i salonaha
Bulba, faršyravanaja syram i haroškam, — niazvykły padychod da zvykłaha praduktu
Kamientary
tieftJeli ili tJeftieli?