Biełaruski nacyjanalny džaz i redkija biełaruskija tvory adkryjuć letni muzyčna-turystyčny siezon siońnia, 13 maja, paviedamiŭ «Minsk-Navinam» mastacki kiraŭnik Nacyjanalnaha arkiestra Maksim Rasocha.
— U Vierchnim horadzie prahučyć nie prosta muzyka viadomych biełaruskich kampazitaraŭ Hienrycha Vahniera, Juryja Siemianiaki, Uładzimira Sołtana, ale tvory, jakija byli napisanyja mienavita ŭ Minsku, u tym liku, mahčyma, navat u ścienach Akademii muzyki, — adznačyŭ Rasocha.
Novaje hučańnie vysakarodnaj kłasicy nadaść Kamierny ansambl «Minsk-kłasik», mastackim kiraŭnikom jakoha taksama źjaŭlajecca Rasocha.
— Minčuki i hości stalicy pačujuć redkija tvory, siarod jakich biełaruski nacyjanalny džaz, napisany ŭ 40-ch hadach minułaha stahodździa Bialzackim i Roźnieram, — raspavioŭ surazmoŭca vydańnia.
Bolšaja častka kancertnaj prahramy zasnavanaja na muzycy Jaŭhiena Hlebava. Ale sapraŭdnaj razynkaj stanie tvor, jakomu ŭ hetym hodzie spoŭniłasia roŭna 100 hadoŭ.
— Heta «Taniec trusikaŭ» Alaksieja Turankova, napisany ŭ 1923 hodzie, — adznačaje Rasocha i dapaŭniaje. — Bolšaść tvoraŭ, jakija vykanaje siońnia «Minsk-kłasik», mała viadomyja šyrokaj publicy. U tym liku tamu, što mnohija ź ich znachodziacca litaralna ŭ rukapisnym, niavydadzienym varyjancie. Biezumoŭna, kožny šedeŭr napisany pad peŭny skład. Tamu prahučać jany ŭ našaj aranžyroŭcy bolš sučasna i z novym hučańniem i akcentami.
Uračystaje adkryćcio letniaha muzyčnaha turystyčnaha siezona projdzie 13 maja. Tradycyjna hałoŭnaj placoŭkaj stanie Vierchni horad. Kulturnyja padziei čakajucca kožnuju subotu z 20:00 da 22:00.
Asnoŭnaja prahrama letniaha muzyčnaha siezona raźbitaja na piać tematyčnych błokaŭ:
«Kłasika dla dziaciej» budzie prachodzić z 20 maja pa 3 červienia;
«Kancerty dla fartepijana» — z 10 červienia pa 1 lipienia;
«Muzyčnaja kłasika savieckaha kino» — z 8 pa 22 lipienia;
«Papularnaja kłasika — z 29 lipienia pa 12 žniŭnia;
«Kłasika savieckaj estrady» — z 19 žniŭnia pa 16 vieraśnia.
Što aznačaje zahadkavy kod R99 u pryčynach śmierci Uładzimira Makieja i Vitolda Ašurka?5
Kamientary