«Biełarus» z repartažu Azaronka, jaki vajuje za Rasiju, akazaŭsia ŭradžencam Surhuta
Biełaruski prapahandyst u svajoj aŭtarskaj pieradačy na telekanale STB raskazaŭ pra svaju čarhovuju pajezdku na akupavanuju terytoryju Ukrainy i pakazaŭ «biełarusa», jaki vajuje ŭ składzie akupacyjnych rasijskich vojskaŭ. Imia jaho nie nazyvali, pakazali tolki pazyŭny «Sałaviej».
Žurnalisty Reform.by znajšli bolš padrabiaznaściej pra maładoha čałavieka. Vyjaviłasia, što jon hramadzianin Rasii i rodam z Surhuta.
«Ja b chacieŭ pieradać babuli, dziadulu pryvitańnie. Jany z Horadni. I baćku. Taksama jon z Horadni. Voś. Imia, proźvišča nazyvać nie budu. Jany mianie ŭbačać, zrazumiejuć, chto ja», — havoryć u karotkim intervju vajskoviec RF.
Jak vyśvietliŭ Reform.by, jaho zavuć Uładzisłaŭ Alaksandravič Sałaŭjoŭ. Jon radavy i słužyć u vajskovaj čaści 55351. Va ŭsiakim razie hramatu za podpisam kamandzira VČ 55351 staršaha lejtenanta Sierafimava jon raźmiaściŭ u svaim błohu.
U profili «UKantakcie» jon čamuści paznačyŭ, što adnosicca da PVK «Vahnier», a ŭ repartažy Ksienii Lebiedzievaj (jana taksama była z Azaronkam na akupavanych terytoryjach) havorycca ab tym, što Sałaŭjoŭ słužyć u internacyjanalnaj bryhadzie «Piatnaška».
Uładzisłaŭ vykłaŭ 11 červienia ŭ svaim błohu sumiesnyja fota i videa ź biełaruskimi prapahandystami, a ŭžo 12-ha červienia napisaŭ: «Jedziem u samy pi#$rez, usich lublu, całuju. Budzie mahčymaść, adkažu, usim udačy». Imavierna, kadry byli zroblenyja na akupavanaj terytoryi Danieckaj vobłaści ŭ rajonie Vałnavachi.
Maładoha čałavieka pryzvali ŭ pieršuju chvalu mabilizacyi ŭ vieraśni 2022 hoda z Surhuta i niekalki miesiacaŭ jon znachodziŭsia ŭ «vučebcy» ŭ Omsku. U kastryčniku 2022 hoda jon publikavaŭ rezki zvarot mabilizavanych z Omska z patrabavańniem uvieści kredytnyja kanikuły dla ich i ich siemjaŭ, zabiaśpiečyć materyjalnyja vypłaty.
Praź niekalki miesiacaŭ Sałaŭjoŭ trapiŭ na front.
Miarkujučy pa fota z błoha, małady čałaviek raniej adsłužyŭ u rasijskim vojsku. Jość sumiesnaje fota ź jaho baćkam. Hety čałaviek vielmi padobny da Alaksandra Dziamieščyka, žychara rasijskaha miastečka Chanymiej. Tam jon pracuje načalnikam učastka ŭ sistemie ŽKH. U Hrodzienskaj vobłaści proźvišča Dziamieščyk sustrakajecca časta.
«Navat jaho prychilniki zrazumieli, što žyć jak raniej užo nie atrymajecca». Biełarusy raskazali pra atmaśfieru ŭ krainie napiaredadni vybaraŭ4
Kamientary
ja na ivo hližu
nahlidiecca nie
mahu.. aBAŽaju
ivo