U Minsku adrazu piaci čałaviekam pryznačyli pa hodu kałonii za ŭdzieł u akcyjach pratestu
U sudzie Frunzienskaha rajona Minska 10 lipienia za ŭdzieł u paślavybarčych akcyjach pratestu asudzili adrazu piać čałaviek: Uładzimira Hanusieviča, Alaksandra Konanava, Albierta Harbuza, Siarhieja Hlinskaha, Maksima Stašulonka.
Ich pryznali vinavatymi pavodle č. 1 art. 342 Kryminalnaha kodeksa (udzieł u dziejańniach, jakija hruba parušajuć hramadski paradak). Sudździa Julija Krepskaja pryznačyła im pa hodu kałonii va ŭmovach ahulnaha režymu. Da suda ŭsie ŭtrymlivalisia pad vartaj, piša «Viasna».
Maksim Stašulonak byŭ zatrymany na pačatku lutaha 2023 hoda paśla taho, jak viarnuŭsia ŭ Biełaruś. U 2020 hodzie Maksim pracavaŭ pažarnym i papiaredziŭ žycharoŭ «Kaskadu», što ich nacyjalny ściah jeduć zdymać. Paśla hetaha jaho zvolnili.
Uładzimir Hanusievič — uradženiec Homiela, kamandzir druhoha adździaleńnia pažarnaj avaryjna-vyratavalnaj častki № 26 Frunzienskaha rajona h. Minska. Jon byŭ zatrymany 7 lutaha 2023 hoda ŭ Minsku na miescy słužby.
Padtrymajcie palitviaźniaŭ hrašovymi pieravodami, pasyłkami i listami: SIZA-1, 220030, h. Minsk, vuł. Vaładarskaha, 2, Maksim Valerjevič Stašulonak, Uładzimir Leanidavič Hanusievič, Albiert Eduardavič Harbuz, Siarhiej Anatoljevič Hlinski, Alaksandr Siarhiejevič Konanaŭ
Jak mučyli Cila Švajhiera i centry haradoŭ, kab stvaryć karcinku dla sudzimaha za machlarstva prateže Dźmitryja Baskava15
Kamientary