Siońnia ŭ staranna zmanciravanaj spravazdačy z narady pa pytańniach unutranaj i zamiežnaj palityki znoŭ bačna, jak hałava Alaksandra Łukašenki trymcić.
Čatyry dni tamu ŭ kadr upieršyniu trapiła, jak u Alaksandra Łukašenki padčas samitu ADKB dryžeła hałava.
Miedyki patłumačyli, što taki tremar moža być jak prykmietaj stareńnia, tak i simptomam chvarob abo emacyjnaha napružańnia.
— Tremar — markier niejkich nieŭrałahičnych źmien. Nasamreč pryčyn dla najaŭnaści takoha simptomu vielmi šmat. Asabliva ŭ ludziej niemaładych hadoŭ. Čaściej za ŭsio tremar uźnikaje nie jak vynik niejkich ciažkich chvarob, a jak nastupstvy raspaŭsiudžanych chraničnych chvarob kštałtu osteachandrozu chrybietnika.
Taksama ŭ miedycynie jość takoje paniaćcie jak esencyjalny tremar — kali havaryć prostymi słovami, heta kali ŭzrost biare svajo i ŭ čałavieka ŭźnikajuć prablemy z tym, jak pracuje nieŭrałahičnaja sistema. Tremar moža być i nastupstvam niejkaha emacyjanalnaha napružańnia, — skazaŭ «Našaj Nivie» śpiecyjalist u vobłaści anhijachirurhii (sasudzistaja chirurhija).
Žyvahłod pryznała rassyłku praz čat-bot «Sumlennych ludziej» karystalnikam u Biełarusi: Ale nie ŭ pracoŭny čas, paśla 18 hadzin8
Kamientary