Užo tydzień u Rasii nie mohuć znajści mužčynu, jaki zabiŭ palicejskaha, a paśla zhvałciŭ i zabiŭ jaho maładuju žonku
Za niekalki hadzin da zabojstva na jaho vyklikali palicyju, adnak tyja adpuścili mužčynu.
U Rasii praciahvajucca pošuki 29-hadovaha Dźmitryja Fašenki, jaki ździejśniŭ dvajnoje zabojstva ŭ horadzie Biełarečansk Krasnadarskaha kraja.
U karaokie Fašenka, jaki adznačaŭ svoj naradžeńnia, paznajomiŭsia z 23-hadovym palicejskim Andrejem Darašenkam — supracoŭnikam miascovaha Akreścina — i jaho 19-hadovaj žonkaj Janaj. Maładaja para zaprasiła jaho da siabie dadomu, kab praciahnuć śviata.
Tam Fašenka staŭ prystavać da dziaŭčyny, što, naturalna, nie spadabałasia mužu. Pačałasia bojka. Pry hetym Jana navat paśpieła adpravić siabram videa, na jakim vidać pačatak kanfliktu i ŭzajemnyja abrazy mužčyn.
Praź niekalki chvilin hość pierarezaŭ horła haspadaru kvatery. Paśla hetaha jon zhvałtavaŭ jaho žonku i zabiŭ jaje. Kvateru z dvuma trupami jon padpaliŭ i źjechaŭ.
Admietna, što ŭ toj viečar na Fašenku ŭžo vyklikali palicyju, bo jon u karaokie čaplaŭsia da dziaŭčat, a adnu ź ich sprabavaŭ zhvałcić. Adnak narad palicyi parazmaŭlaŭ ź im i nie staŭ zatrymlivać.
Kamientary