Łukašenka padpisaŭ papraŭki pa pytańniach vytvorčaści i abarotu ałkaholnaj pradukcyi, jakija mianiajuć praviły na rynku śpirtnoha.
Papraŭki ab libieralizacyi rynku ałkaholnych napojaŭ nabuduć moc u lipieni 2024 hoda, piša «Sputnik»
Adno z hałoŭnych novaŭviadzieńniaŭ — u admienie dziaržmanapolii na prodaž ałkaholu ŭ biaspošlinnych kramach (Duty Free).
Siońnia dziaržava delehuje prava pradavać śpirtnoje praz Duty Free. Ciapier hetym zajmajucca dziaržkampanija «Dypmarkiet» ź sistemy Kiravańnia spraŭ Łukašenki, a taksama try pryvatnyja arhanizacyi: «Biełmarkiet djuci fry», «Biełamarkiet Chiełana Valery» i «Markietliha».
Novyja praviły dazvolać pracavać u hetaj śfiery ŭsim kampanijam, u jakich statutny fond nie mienš za 24 tysiačy bazavych vieličyń (na siońnia — 960 tysiač rubloŭ).
Inšaje źmianieńnie — pasłableńni pa imparcie ałkaholnych napojaŭ. Naprykład, vyklučnaje prava dziaržavy nie budzie raspaŭsiudžvacca na ŭvoz ałkaholu dla pierapracoŭki, ale impartavać dla hetych metaŭ možna ŭ sasudach jomistaściu bolš za 2 litry.
Jość i inšyja vyklučeńni, u tym liku ŭvoz uzoraŭ śpirtnoha dla acenki adpaviednaści standartam.
Akramia taho, kali raniej MARH (Ministerstva antymanapolnaha rehulavańnia i handlu) zaćviardžała śpis kampanij, jakim dazvoleny impart śpirtnoha, to ź lipienia heta budzie pieralik ałkaholnych napojaŭ. Naprykład, heta mohuć być peŭnyja vidy šampanskaha, kańjakoŭ, viski, romu, džynu, viermutaŭ i inšych napojaŭ.
Chto taja žančyna, jakuju Marzaluk u efiry BT abazvaŭ «švallu z Hrodna», i što jana piša ŭ čatach? Raskazvajem pra doktarku Stefanovič10
Kamientary