Vypadak kala miažy. U kiroŭcaŭ nie było dakumientaŭ, i pasažyry pajšli pieški ŭ Vilniu
Litoŭskaja administracyja biaśpiečnaha transpartu ź lipienia rehularna praviaraje zarehistravanyja ŭ Biełarusi aŭtobusy, jakija voziać pasažyraŭ u Litvu i nazad. 16 studzienia padčas pravierki vyśvietlili, što ŭ dvuch kiroŭcaŭ nie było nieabchodnych dakumientaŭ.
U vyniku pryjšłosia vysadzić pasažyraŭ, i jany pieššu pajšli na aŭtavakzał, a kiroŭcu dali štraf 2500 jeŭra, piša Delfi.lt.
Na siońniašni dzień administracyja pravieryła 47 zarehistravanych u Biełarusi aŭtobusaŭ. Parušeńni byli zafiksavanyja amal va ŭsich ź ich. U 24 vypadkach u kampanij pa pieravozcy pasažyraŭ nie było nieabchodnych dazvołaŭ, a ŭ 25 — ustanoŭleny parušeńni režymu kiravańnia i adpačynku.
«My bačym, što manipulujuć pieravozkami pasažyraŭ: zajaŭlajuć, što rejs zakazny, a potym vyśviatlajecca, što nasamreč jon rehularny, a heta ŭžo parušeńnie. Byvaje i takoje, što kažuć, byccam viazuć hrupu ludziej (ekskursiju), ale ŭ adzin bok viazuć adnych, a ŭ druhi — užo inšych. Heta hrubaje parušeńnie damoŭlenaści pamiž litoŭskim i biełaruskim uradam ab mižnarodnych pieravozkach na aŭtatransparcie», — skazaŭ dyrektar administracyi Hienius Łukošus.
Aŭtaślesar, aficyjant, tancor u Tajłandzie, roli ŭ «Muchtary» i «Svatach». Piać faktaŭ pra novaha ministra kultury Čarnieckaha12
Aŭtaślesar, aficyjant, tancor u Tajłandzie, roli ŭ «Muchtary» i «Svatach». Piać faktaŭ pra novaha ministra kultury Čarnieckaha
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu66
Kamientary