Śvietłavy abjekt u vyhladzie NŁA źjavicca ŭ Minsku da navahodnich śviataŭ
Miesca pakul trymajecca ŭ sakrecie.
Novy śvietłavy abjekt u formie NŁA ŭpryhožyć stalicu ŭ śniežni, paviedamiŭ Minsk-navinam načalnik vytvorča-techničnaha adździeła pradpryjemstva «Minharśviet» Jaŭhien Stasiałovič.
— U najbližejšyja dni jaho buduć mantavać na ŭstanoŭčaj placoŭcy, ale sama łakacyja zastajecca ŭ sakrecie — niachaj heta stanie pieradnavahodnim siurpryzam, — adznačyŭ Jaŭhien Stasiałovič. — Usiaho stalicu ŭpryhožać 550 śvietłavych kanstrukcyj. Ź ich 125 — abjomnyja fihury. Astatnija 425 kanstrukcyj — roznyja abstraktnyja formy.
Hieahrafiju śviatočnaj iluminacyi Minska ŭ hetym hodzie papoŭnili 14 abjektaŭ — śvietłavyja matyvy na vuł. Akademika Krasina i na puciepravodzie na vuł. Čkałava.
— Heta i ŭpryhožanyja drevy ŭ skviery Lenina ŭ rajonie praśpiekta Niezaležnaści, i kožnaja ź dzieviaci «Załatych zorak» na ŭjezdach u stalicu, — patłumačyŭ Ja. Stasiałovič. — Kampazicyja «Kvietka» na płoščy Bahuševiča, fihura samalota Ił-2 u skviery Akreścina, manumientalnaja «Zorka-salut» u parku Pieramohi.
Siarod navinak taksama iluminacyjnaje padśviatleńnie vulic:
vuł. Śviardłova, na ŭčastku ad praśpiekta Niezaležnaści da vuł. Kirava;
vuł. Kamsamolskaja, na ŭčastku ad praśpiekta Niezaležnaści da vuł. Kirava;
vuł. Sialickaha, na ŭčastku ad vuł. A. Bačyły da žyłoha rajona Šabany;
praśpiekt Partyzanski — ad vuł. Anharskaj da vuł. Varvašeni;
praśpiekt Pieramohi — ad MKAD da vuł. Naračanskaj;
praśpiekt Dziaržynskaha — ad płoščy Bahuševiča da vuł. Ščorsa.
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu55
Kamientary