Trahičnaja sutyčka na futbolnym matčy ŭ Hviniei zabrała žyćci kala 100 čałaviek
Kala sotni čałaviek zahinuli ŭ sutyknieńniach pamiž fanatami na futbolnym matčy ŭ Nzerekory, druhim pa vieličyni horadzie Hviniei, paviedamlaje Championat.com sa spasyłkaj na hviniejskija ŚMI.
Pa słovach adnaho z daktaroŭ, zahinuła kala 100 čałaviek, cieły zapoŭnili miascovuju balnicu i morh.
«U balnicy cieły lažać u šerah, nakolki chapaje vačej. Inšyja lažać na padłozie ŭ kalidorach. Morh pierapoŭnieny», — prakamientavaŭ jon.
Incydent spravakavali sprečnyja rašeńni sudździ, jaki pakazaŭ čyrvonuju kartku, a zatym pryznačyŭ pienalci ŭ bramu adnoj z kamand, paśla čaho zaŭziatary pačali bojku.
Palicyja, kab ich raźniać, užyła ślozaciečny haz. U sprobie vyratavacca ad jaho, fanaty kinulisia ŭciakać sa stadyjona i la vychadaŭ utvarylisia zatory. Mnohija zahinuli ad udušša abo ad padzieńniaŭ sa ścien stadyjona, sprabujučy vybracca na vulicu.
Paviedamlajecca, što matč byŭ častkaj turniru ŭ honar lidara miaciežnikaŭ u Hviniei pałkoŭnika Mamadzi Dumbuja.
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu55
Kamientary