Namieśnik ministra ŭnutranych spraŭ Hienadź Kazakievič vykazaŭsia pra «śpiačuju ahienturu» i kamiery videanazirańnia pa krainie.
«Maje kalehi z HUBAZ kažuć, što nastupnaja revalucyja budzie revalucyjaj TikTok. I jana zusim nie takaja biaskryŭdnaja. Kankretna, naprykład, hod tamu ŭ Rasijskaj Fiederacyi pa pstryčcy ŭ TikTok 40 tysiač maładych ludziej vyjšli na vulicy, i jany bilisia z AMAPam», — skazaŭ siłavik na STB.
Kazakievič vykazaŭsia, što ciapier praciŭniki Łukašenki na masavyja pratesty nie raźličvajuć.
«Razam z tym my adznačajem krajniuju radykalizacyju ich imknieńniaŭ, i heta vyjaŭlajecca ŭ asobnych epizodach ekstremisckich i, samaje hałoŭnaje, terarystyčnych prajaŭ. Inšymi słovami, vykarystoŭvajecca taktyka terarystyčnych jačejeiek, śpiačaja ahientura tak zvanaja, jakaja pryvodzicca ŭ dziejańnie pry nieabchodnaści vykanańnia jakoha-niebudź teraktu.
Analiz pakazvaje, što ŭ ciapierašni čas krainaj pryznačeńnia dla ździajśnieńnia terarystyčnych aktaŭ źjaŭlajecca pieravažna Rasijskaja Fiederacyja. Pry hetym terytoryja respubliki vykarystoŭvajecca jak z punktu hledžańnia nabyćcia ahientury, tak i z punktu hledžańnia pieravałačnaj bazy dla nakiravańnia ŭ Rasijskuju Fiederacyju, dapuścim, samarobnych vybuchovych pryład, vybuchovych rečyvaŭ i hetak dalej».
Jon dadaŭ, što letaś MUS i HUBAZiK nibyta spynili čatyry takija terakty.
Kazakievič raskazaŭ taksama, što pa krainie staić 35 tysiač kamier (Respublikanskaja sistema manitorynhu hramadskaj biaśpieki), jakija ŭ režymie realnaha času dazvalajuć adsočvać stanovišča.
Čytajcie taksama:
Mitrapalit Vienijamin uznaharodziŭ carkoŭnym ordenam Ivana Kubrakova
Karpiankoŭ raskazaŭ, kolki vajskoŭcaŭ padrychtavali vahnieraŭcy
Cichanoŭskaja zaklikała biełarusaŭ paźbiahać vybaraŭ i nie pratestavać24
Kamientary