Hiniekołah z Hrodna stvaryła dadatak dla žančyn — anałah suśvietna viadomaha Flo
Usiaho na raspracoŭku biaspłatnaha dadatku ŭ Haliny Łazuty pajšoŭ pryblizna hod.
Hiniekołah haradskoj palikliniki №3 Halina Łazuta prydumała dadatak dla žančyn. Jon dapamoža kantralavać zdaroŭje repraduktyŭnaj sistemy i zabiaśpiečyć pacyjentaŭ nadziejnaj i dakładnaj infarmacyjaj pra zdaroŭje, paviedamlaje telekanał Hrodna plus.
Ideja stvaryć taki dadatak uźnikła ŭ doktarki, bo mnohija pacyjenty nie mahli adkazać dakładna na pytańni miedyka.
Aŭtar — akušer-hiniekołah z 14-hadovym stažam, uvieś svoj dośvied uličyła ŭ hetym prajekcie. Halina praanalizavała funkcyi, jakija mohuć spatrebicca žančynie, i sabrała ich u zručnaj dla vykarystańnia formie.
Ź jaho dapamohaj u smartfonie možna budzie adsočvać i prahnazavać cykł i kruhi fiertylnaści, što pavyšaje vierahodnaść začaćcia i daje mahčymaść padrychtavacca da hetaha adkaznaha kroku.
Tut majecca virtualnaja karta dla zachoŭvańnia danych miedycynskich abśledavańniaŭ (UHD, vynikaŭ analizaŭ i zapisaŭ kansultatyŭnaha pryjomu ŭ doktara). Smartfon nahadaje taksama pra čas pryjomu lekavych srodkaŭ, naviedvańnia hiniekołaha.
Usiaho na raspracoŭku biaspłatnaha dadatku pajšoŭ pryblizna hod. Ź jaho dapamohaj žančyny mohuć źviarnucca pa kansultacyju da akušera-hiniekołaha ŭ režymie realnaha času.
Jość plusy i dla mužčyn. Dadatak dazvalaje pradastaŭlać dostup partnioru, dazvalajučy jamu bačyć samaadčuvańnie i nastroj žančyny.
«Ja liču, što ŭ padtrymańni žanočaha zdaroŭja pavinien być tandem doktara i samoj žančyny, tady ŭsio, biezumoŭna, atrymajecca.
Try parady sučasnaj žančynie. Heta zdarovy ład žyćcia ŭ ramkach charčavańnia, pamienšanaje ŭžyvańnie cukru i soli, taksama heta hihijena snu, nie mienš za 8 hadzin u sutki. Umacavańnie ciahlic tazavaha dna.
Raspracoŭka pradstaŭlena na respublikanskim konkursie inavacyjnych prajektaŭ. Zaraz prapracoŭvajecca pytańnie maksimalnaha dostupu dla šyrokaj aŭdytoryi.
«Nabiaruć bolš studentaŭ, ale što rabić 6-7 hadoŭ?» Miedyk pra toje, jak ułady zmahajucca ź niedachopam daktaroŭ i što treba rabić
U Salihorsku ŭ časie rodaŭ paciarpieła niemaŭla. Maci zapisała ŭ tyktoku skarhu da Łukašenki — u radzilniu adpravili kamisiju
«Na žal, takich žudasnych historyj chapaje». Supracoŭnica radzilni pra vypadak z paradzichaj u Salihorsku
Brat udavy Zielcara: Kadebisty išli ŭ kvateru pa mianie1
Kamientary